Konstitusiyasının digər sovet respublikalarının, ilk növbədə RSFSR-in
Konstitusiyasından fərqlənən bir sıra əlamətləri mövcud idi.
Konstitusiyada dövlət aparatının təşkili və fəaliyyətinin əsas prinsipləri sistemi təsbit olunurdu.
Azərbaycanın ali hakimiyyət və idarəetmə orqanlarının, eləcə də yerli dövlət hakimiyyəti orqanlarının təşkili və
fəaliyyət qaydası müfəssəl tənzim edilirdi.
Azərbaycanın ilk Konstitusiyası respublikanın ali dövlət hakimiyyəti orqanlarının aşağıdakı sistemini
müəyyən edirdi: Ümumazərbaycan Sovetlər Qurultayı, Azərbaycan Mərkəzi İcraiyyə Komitəsi və AzMİK-in
Rəyasət heyəti. Konstitusiyaya görə bu orqanlar tam dövlət hakimiyyətini həyata keçirir, onun aliliyini və
müstəqilliyini təmin edirdi. Ali hakimiyyət orqanları içərisində mühüm yeri fəhlə, kəndli, qızıl ordu və matros
deputatlarının Ümumazərbaycan Sovetlər qurultayı tuturdu.
Ümumazərbaycan Sovetlər qurultayları arasındakı müddətdə respublikada ali dövlət hakimiyyəti orqanı
AzMİK idi. MİK öz işini heyəti tərəfindən hər iki aydan bir çağırılmalı idi.
Azərbaycanın ZSFSR-in və SSRİ-nin tərkibinə daxil olduqdan və respublikanın səlahiyyətləri ilə bağlı
müvafiq dəyişiklikdən sonra, təbii ki, AzMİK-in komissiyalarının tərkibi də dəyişildi. Xarici siyasət, müdafiə və
xarici ticarət məsələləri SSRİ-nin müstəsna səlahiyyətinə aid edildiyi üçün xarici işlər və hərbi dəniz işləri üzrə
komissiyalar ləğv edildi, xarici və daxili ticarət üzrə komissiyanın adı dəyişdirilərək ticarət üzrə komissiya oldu.
AzMİK-in sessiyaları arasında ali dövlət hakimiyyəti orqanı AzMİK Rəyasət heyəti idi. Onun tərkibinə
AzMİK-in sədri, katibi və üzvlər daxil idilər. Sonralar daimi üzvlərdən başqa,
AzMİK-in Rəyasət heyətinin tərkibinə həmçinin Naxçıvan MSSR: MİK-in və
DQMV vilayət icraiyyə komitəsinin sədrləri, Bakı Sovetinin sədri və Fövqəladə
Komissiyanın sədri daxil idi.
Azərbaycan SSR-in 1921-ci il Konstitusiyası ilə respublikanın ümumi
işlərinin idarə edilməsi Xalq