Kiçik rəyasət heyətlərində və ayrı-ayrı komissiyalarda aparılırdı. Böyük Rəyasət
heyəti qanunvericilik xarakterli qərarlara baxır və təsdiq edirdi. Kiçik Rəyasət heyəti 1932-ci ildə MİK-in
Katibliyinin əvəzinə yaradılmışdı və onun tərkibinə MİK-in sədri, sədrin müavini, katib, həmçinin FKM XK
(Fəhlə-Kəndli Müfəttişliyi Xalq Komisarlığı) daxil idi.
Hökumətin tərkibinə Xalq Komissarları Sovetinin (XKS) sədri, onun müavini və 11 xalq komissarı daxil
idi. XKS-nin iclaslarında həlledici səslə Naxçıvan XKS-nin və Dağlıq Qarabağın vilayət sovetinin, Bakı
Sovetinin, Dövlət Plan Komitəsinin, Dövlət Siyasi İdarəsinin və Azərbaycan neft sənayesi dövlət birliyinin
(Azneftin) sədrləri iştirak edirdi. Hökumətin tərkibinə, həmçinin, ZSFSR-in müvafiq xalq komissarlıqlarının
müvəkkilləri məşvərətçi və ya həlledici səslə daxil idilər.
VI Umumazərbaycan Sovetlər qurultayı 8 aprel 1929-cu il tarixli qərarı ilə respublikanın yerli dövlət
hakimiyyəti və idarəetmə orqanları sistemində müəyyən dəyişikliklər
etdi. Respublikanın ərazisi dairələrə, rayonlara (iriləşdirilmiş nahiyələr)
və kənd sovetlərinə bölündü. Bunun nəticəsində əvvəlki 13 qəzanın
əvəzinə (Naxçıvan MSSR istisna olmaqla) 8 dairə - Bakı, Quba,
Lənkəran, Şirvan, Muğan (Salyan), Zaqatala-Nuxa, Gəncə və Qarabağ
dairələri yaradıldı. DQMV muxtariyyət hüquqlarını saxlamaqla, Qarabağ
dairəsinin tərkibinə daxil edildi. İri nahiyələrin sayı 108-dən 60-a
endirildi.
AzMİK və XKS-nin 1930-cu il avqustun 8-də verdiyi «Dairələrin
ləğvi haqqında» qərarla respublikada dairə bölgüsü ləğv olundu və yeni
inzibati-ərazi vahidləri - rayonlar yaradıldı. Rayonların sayı (Naxçıvan
MSSR və DQMV-nin rayonları da daxil olmaqla) 63-ə qədər artırıldı.
Rayon hakimiyyət orqanlarına dairə icraiyyə komitələrinin səlahiyyətləri
verildi. 1931-ci il noyabrın 24-də rayonların birləşdirilməsi prosesi həyata keçirildi. 12 rayon ləğv olundu və 20
rayonun sərhədləri dəyişdirildi.
1927-ci il Konstitusiyasının 99-cu