qaldırılması nəticəsində öz təsdiqini tapmış istehsal və əmək
vasitələri üzərində sosialist mülkiyyəti təşkil edirdi. Sosialist mülkiyyəti iki formada - dövlət mülkiyyəti
(ümumxalq malı) və kooperativ-kolxoz mülkiyyəti formasında özünü ifadə edirdi. Ölkənin təsərrüfat həyatı
dövlət xalq təsərrüfatı planı ilə müəyyən edilirdi. Əməyə vəzifə kimi baxılırdı.
Sosialist federasiyasının tamhüquqlu üzvü kimi Azərbaycan SSR-in «dövlət suverenliyi» formal da olsa
onun Konstitusiyasının müddəalarında ifadə olunmuşdu:
SSRİ-nin dövlət quruluşu respublikaların federativ birliyi kimi müəyyən edilsə də, Azərbaycan SSR
tərkibində iki muxtar qurumun olmasına baxmayaraq, unitar quruluşa malik idi. Sovetlər birliyinin ali
hakimiyyət orqanı olan Ali Sovet iki palatadan ibarət olduğu halda, Azərbaycanın Ali Soveti bir palatalı idi.
SSRİ Ali Sovetinin birinci palatası - İttifaq Şurası ərazi dairələri üzrə formalaşdırılırdısa, ikinci palata - Millətlər
Şurası müttəfiq, muxtar respublikalar, muxtar vilayət və muxtar mahallar üzrə seçilirdi. Hər iki palatada eyni
sayda deputatın olması nəzərdə tutulurdu ki, bu da palataların hüquq bərabərliyinin təmin edilməsi məqsədilə
atılmış addım idi. Millətlər Şurasına müttəfiq respublikalardan 25, muxtar respublikalardan 11, muxtar
vilayətlərdən 5 və muxtar mahallardan 1 deputat seçilməsini, eləcə də Azərbaycanın ərazisində bir muxtar
respublika və bir muxtar vilayətin olmasını nəzərə alaraq, Azərbaycanın həmin şurada 41 deputatla təmsil
edilməsi müəyyən olunmuşdu. Azərbaycan Sovet Respublikasının:
səlahiyyətləri məcmusu iki qrup
səlahiyyətlərdən formalaşırdı. Birinci qrupa Sovetlər İttifaqı və müttəfiq respublikaların birgə səlahiyyətləri
məcmusunu təşkil edən səlahiyyətlər, ikinci qrupa isə Azərbaycanın müstəsna səlahiyyəti aid edilirdı.
Sovetlər birliyi ilə müttəfiq respublikalar, o cümlədən Azərbaycan arasında səlahiyyətlərin bu cür bölgüsü
onların suverenliyi arasındakı üzvi bağlılıqla, demokratik