k mərkəziyyət prinsipinin həyata keçirilməsi,
Azərbaycanın digər müttəfiq respublikalar kimi hüquqlarının bir hissəsini «könüllü olaraq» İttifaqa ötürməsi,
SSRİ-nin yaradılması haqqında müttəfiq respublikalar arasındakı müqavilə razılaşması, iqtisadi və siyasi
sistemin vahid sosialist mahiyyəti və sosialist mülkiyyət formalarının Sovet İttifaqının təsərrüfat həyatının bütün
sferalarında şəriksiz hökmranlığı, sosializmin iqtisadi qanunlarına müvafiq olaraq bu və ya digər sənaye
sahələrinin ümumfederal əhəmiyyəti və s. kimi amillərlə şərtləndirilirdi.
1937-ci il sentyabrın 17-də Naxçıvan MSSR X Fövqəladə Sovetlər qurultayı muxtar respublikanın yeni
Konstitusiyasını qəbul etdi. Azərbaycan SSR-in Konstitusiyası əsasında hazırlanmış və onun əsas prinsiplərini
özündə əks etdirən, 11 fəsil və 115 maddədən ibarət olan Konstitusiya Naxçıvan MSSR-in hüquqi statusunu,
Azərbaycanla muxtar respublika arasında qarşılıqlı münasibətləri müəyyən edən məsələləri, muxtar
respublikanın müstəqilliyini möhkəmləndirən konstitusion normaları nəzərdə tuturdu. Naxçıvan MSSR
Azərbaycan SSR-in tərkibinə muxtariyyət hüquqlarında daxil olan sosialist dövləti elan olunurdu.
Naxçıvan MSSR Azərbaycanın ali dövlət hakimiyyəti orqanlarında öz nümayəndəliyi ilə təmsil olunurdu.
Naxçıvan MSSR-in Ali Soveti Rəyasət heyətinin sədri eyni zamanda Azərbaycan SSR Ali Soveti Rəyasət
heyətinin sədrinin müavini sayılırdı. Muxtar Respublikanın Xalq Komissarları Sovetinin sədri öz vəzifəsi
etibarilə Azərbaycan hökumətinin tərkibinə daxil edilirdi.
Azərbaycan SSR Ali Sovetinin Naxçıvan Konstitusiyasını təsdiq etmək, Naxçıvan MSSR-in
Konstitusiyasının SSRİ və Azərbaycan SSR Konstitusiyalarına uyğunluğu, Azərbaycan qanunlarının muxtar
respublika qanunları ilə müqayisədə üstünlük hüququ və Azərbaycan qanunları ilə muxtar respublika qanunları
arasında ziddiyyət olduğu halda, Azərbaycan qanunlarının qüvvəsinin üstünlüyü ilə qanunla yol verilən
hüdudlarda