Azərbaycan SSR nazirlərindən, dövlət komitələrinin
sədrlərindən ibarət tərkibdə 5 il müddətinə təşkil edilirdi Nazirlər Sovetinin tərkibinə vəzifəyə görə Naxçıvan
MSSR Nazirlər sovetinin sədri də daxil idi.
1937-ci il Konstitusiyasından fərqli olaraq, bu Konstitusiyada Nazirlər Sovetinin tərkibinə daxil olan
nazirliklər, dövlət komitələri və baş idarələr ayrı-ayrılıqda göstərilməmişdi.
1978-ci ilin 30 mayında muxtar respublikanın Ali Soveti tərəfindən qəbul edilən, 10 bölmə, 16 fəsil, 163
maddədən ibarət olan Naxçıvan MSSR Konstitusiyası əhalinin muxtar respublikanın ali hakimiyyət orqanında 5
il müddətinə seçilən 110 nəfərlik deputat korpusu ilə təmsilçiliyini nəzərdə tuturdu. Naxçıvan MSSR Ali
Sovetinin özünün daimi orqanı olan Rəyasət heyətinin sədrini və iki müavinini, eləcə də Ali Sovetin daimi
komissiyalarını seçirdi. Muxtar respublikanın ali icra və sərəncam orqanı olan Naxçıvan MSSR Nazirlər Soveti
idi. Həmin orqan muxtar respublikanın səlahiyyətinə aid edilən bütün idarəetmə məsələlərini həyata keçirirdi.
Azərbaycanın 1978-ci il Konstitusiyasında edilən əsas dəyişikliklərdən biri də DQMV-nin dövlət
hakimiyyəti və idarə orqanlarının statusunu 1937-ci il Konstitusiyasında olduğu kimi ayrıca fəsildə deyil,
Azərbaycan SSR-də yerli dövlət hakimiyyəti və idarə orqanlarının tərkibində əks etdirməsi idi. Konstitusiyanın
84-cü maddəsinə müvafiq olaraq muxtar vilayətin xalq deputatları sovetinin təqdimatı ilə 1981-ci il iyunun 16-
da «DQMV haqqında» qanun qəbul edildi. 4 fəsil və 68 maddədən ibarət olan qanunda muxtar vilayətin dövlət
hakimiyyəti orqanı qismində iki il yarım müddətə seçilən xalq deputatları soveti çıxış edirdi. Muxtar vilayətin
XDS-nin icraiyyə komitəsi vilayətdə icraedici və sərəncamverici orqan idi. Vilayətin statusu ilə digər məsələlər
də həmin qanunla tənzimlənirdi.
1978-ci il Konstitusiyasının 137-ci maddəsinə müvafiq olaraq Azərbaycanın yerli dövlət hakimiyyəti
orqanları qismində muxtar vilayət, rayon,