, şəhər, şəhərlərdə rayon, qəsəbə, kənd xalq deputatları sovetləri çıxış
edirdi. 2 il 6 ay müddətinə seçilən yerli sovetlər özlərinin icra və sərəncamverici orqanları olan icraiyyə
komitələrini seçirdilər. Muxtar vilayət, rayon, şəhər, şəhərlərdə rayon xalq deputatları sovetlərinin sessiyaları
ildə 4 dəfədən az olmayaraq, qəsəbə və kənd XDS-nin sessiyaları isə ildə 6 dəfədən az olmayaraq müvafiq
sovetlərin icraiyyə komitələri tərəfindən çağırılmalı idi. Yerli sovetlərin icraiyyə komitələri ildə bir dəfədən az
olmayaraq onları seçən sovetlər qarşısında, həmçinin əmək kollektivlərinin yığıncaqlarında və vətəndaşların
yaşayış yeri üzrə yığıncaqlarda hesabat verməli idilər.
1978-ci il Konstitusiyasının 180-ci maddəsində Dövlət gerbinin təsviri verilmişdir:
“Azərbaycan Sovet Sosialist Respublikasının Dövlət gerbi doğan günəş fonunda pambıq
və sünbül çələngi ilə һaşiyələnmiş oraq və çəkic, neft buruğu təsvirindən ibarətdir və
üzərində Azərbaycan dilində: «Azərbaycan Sovet Sosialist Respublikası», «Bütün
ölkələrin proletarları, birləşin!» və rus dilində: «Азербайджанская Советская
Социалистическая Республика», «Пролетарии всех стран соединяйтесь!» sözləri
yazılmışdır. Gerbin yuxarısında beşguşəli ulduz vardır.”
Konstitusiyanın 181-ci maddəsində isə Dövlət
bayrağının təsviri ifadə edilmişdi: “Azərbaycan Sovet Sosialist Respublikasının
Dövlət bayrağı iki rəngli üfüqi zolağı olan düzbucaqlı parçadan ibarətdir: qırmızı
rəngli yuxarı zolaq bayrağın eninin dörddə üç һissəsinin və göy rəngli aşağı zolaq
dörddə bir һissəsini təşkil edir; qırmızı zolağın yuxarı sol küncündə, bayrağın ağacı
yanında zərli oraq və çəkic, bunların üstündə qızıl һaşiyə içərisində beşguşəli
qırmızı ulduz təsviri vardır. Bayrağın eninin uzunluğuna nisbəti 1:2 - dir.”
Konstitusiya ilə təsbit edilən Azərbaycan SSR-in bayrağının təqdim olunan təsviri 7 oktyabr 1952-ci ildə
qəbul edilmişdir.
Konstitusiyanın 182-ci maddəsinə görə Azərbaycan Sovet Sosialist