t tərzi keçirən əhali, onların məşğuliyyəti,
müxtəlif peşə sahələri barədə çox qiymətli məlumat toplamışdı. A. Olearinin “Səyahətnamə”si XVII əsrin
ortalarında, Bakıda ticarət və sənətkarlıq sahələri, əhalinin həyat tərzi və dövlət quruluşu haqqında dəyərli elmi
məlumat verən qaynaqlar içərisində xüsusi yer tutur. Məsələn, xalq müdrikliyinin qoruyucusu olan Dədə
Qorqudun qəbirini Dərbənddə Oleariyə nümayiş etdirmişlər. İndiki Qafqaz və İran azərbaycanlılarında onun
haqqında dastanlar yoxdur. Bu dövr dastanlarının əsas qəhrəmanı Qazan xandır. Onun xanımı Burla xatun da
xatırlanır. Sonralar bu adlar yalnız "Kitabi-Dədə Qorqud" əsərində rast gəlinir. Həmin əsərin yeganə əlyazması
Drezdendə saxlanılmış və hal-hazırda Türkiyədə nəşr edilmişdir. Yalnız burada və bir də Olearinin əsərində
Burla xatunun adına təsadüf olunur. A. Oleari onun qəbirinin Urmiyədə olduğunu qeyd edir. Dədə Qorqudun
qəbrinin Dərbənddə olmasını Olearidən başqa Osmanlı səyyahı Övliya Çələbi də qeyd edir.
Bakı haqqında 1618-ci ildə yazmış italyan səyyahı Piyetro Della Valle Bakmı (Ptolemeyə görə) Kaysi
çayının mənsəbində olan Albana şəhəri ilə eyniləşdirmişdir. Əsərin 1796-cı ildə Hamburqda nəşr olunmuş
variantı rus dilinə tərcümə edilmişdir (əlyazması şəklində saxlanılır). Deməliyik ki, 1663-cü ildə alman dilində
nəşr olunmuş nüsxəsini P. Barsov rus dilinə tərcümə edərək, 1870-ci ildə Moskvada çap etdirmişdir. Fikrimizcə,
əsərin bu nəşri daha mükəmməldir.
XVII əsrdə Azərbaycan şəhərləri, o cümlədən Bakı haqqında məlumat verən digər səyyah Jan Şarden (1643-
1713) olmuşdu. Bu fransız zərgəri 1664-cü ildə Lion taciri Rezenlə birlikdə (almaz almaq üçün) Hindistana
göndərilmişdi. Şarden səyahət etdiyi ölkələrdə gördüklərini 10 hissədən ibarət olan "Səyahətlər" adlı əsərində
qələmə almışdır. Əsərin IV-V hissələrində o, Azərbaycan, xüsusilə Bakı haqqında xeyli maraqlı müşahidələrini
qələmə almışdır. Şarden Bakıda sənətkarlıq, elm və incəsənətin inkişafı haqqında da məlumat