ə şəhərinin mədəniyyətinin inkişafına müsbət təsir göstərdi. Bu özünü təhsilin
inkişafında da göstərirdi. Bu dövrlərdə Gəncədə müxtəlif məktəblər (bura məscidlərin nəzdində fəaliyyət
göstərən dini məktəblər-mədrəsələr də daxildir) fəaliyyət göstərirdi. 1883-cü ildə Gəncədə “Müqəddəs Nina
adına Xeyriyyə Cəmiyyəti”nin nəzdində ilk qadın orta məktəbi fəaliyyət göstərməyə başladı. 1924-cü ildə isə
şəhərdə pedaqoji seminariya açıldı. Seminariyanın ilk ilində bura 18 nəfər (onların əksəriyyəti varlı ailələrdən
idi) qəbul edildi.
1918-ci il iyunun 16-dan sentyabrın 16-dək Azərbaycan Xalq Cümhuriyyəti hökuməti Gəncədə fəaliyyət
göstərmişdir. 1920-ci ilin aprelində bolşeviklərin AXC-ni süquta uğratmasından bir çox Gəncəlilər (hətta varlı
olmayanlar da) İran və Türkiyəyə üz tutaraq buranı tərk etdilər. Və təxminən 70 ilə yaxın öz doğmaları və ana
vətənlərindən uzaq qalmaq məcburiyyətində qaldılar. Yalnız 1991-ci ildə Azərbaycan yenidən müstəqillik əldə
etdikdən sonra onlar yenidən vətənə qovuşmaq imkanı əldə etdilər.
Sovet hakimiyyətinin ilk dövrlərində su təchizatı məsələsi aktuallıq qazandı. Şəhərin təşəbbüsü ilə su
hövzələri quraşdırıldı. Yeni su borularının quraşdırılmasından öncə köhnə borular və hövzələr təmir edildi.
1936-cı ildə tikilən su kəməri şəhər əhlinin su ehtiyacını ödədi. 1939-1940-cı illərdə Gəncədə yeni su
kəmərlərinin tikintisi başladı və ikinci dünya müharibəsindən sonra ağır keçən bir neçə ilə tamamlandı.
1920-ci ildə Gəncədə 14 ibtidai və 4 tam məktəb fəaliyyət göstərirdi. 1923-cü il yanvarın birinə olan
məlumata əsasən 2.794 məktəbli Gəncənin ibtidai məktəblərində təhsil alırdı. 1928-29-cu illərdə Gəncə ibtidai
təhsil sistemi burda mövcud uşaqların 95 %-ini əhatə edirdi.
1931-ci ildə Hidromeliorasiya İnstitutu, Bakıdakı 2 kənd təsərrüfatı məktəbi Gəncəyə köçürülmüş və 1933-
cü ildə onlar birləşdirilərək 6 fakültəli Kənd Təsərrüfatı İnstitutu yaradılmışdır. Bundan
başqa yaxın illərdə Gəncədə həmçinin ikiillik