i nəticəsində şəhərin küçə və meydanları çox gözəl və cazibədar bir hala
gəlmişdir.
Hazırda Gəncənin ərazisi 100 km²-dən artıq olub, əhalisinin sayı isə 313 min nəfərdən ibarətdir. Quru Qobu
ərazisində “Gülüstan” mikrorayonu və “Yeni Gəncə” rayonun qurulması Gəncənin tutduğu ərazinin
genişlənməsi şəhərin gələcək inkişafı üçün bir əlverişli şərait yaratmışdır.
Kütləvi informasiya vasitələri haqda məlumat
«Alternativ-TV» MMC 15 mart 2002-ci il tarixindən etibarən test şəklində ilk dəfə efirə çıxmışdır və 18
aprel 2002-ci il tarixindən 6 saatlıq efir rejiminə keçmişdir.
Gəncə şəhərində fəaliyyət göstərən digər kütləvi informasiya vasitələri haqqında məlumat:
«Kəpəz - TV» - 1993-cü ildən fəaliyyət göstərir. Gəncə və ətraf rayonları əhatə edir.
Gəncə şəhəri İcra hakimiyyətinin orqanı olan «Gəncənin səsi» qəzeti 1920-ci ildən nəşr olunur.
YAP Gəncə təşkilatının orqanı olan «Yeni Gəncə» qəzeti 1993-cü ildən nəşr olunur.
Müstəqil ictimai siyasi qəzet olan «Gəncəbasar» qəzeti 2003-cü ildən nəşr olunur.
Avtomobil, dəmir yolları haqda məlumat
Gəncə şəhərinin ərazisindən 10 km uzunluğunda I kateqoriyalı dəmir yolu, 7 km uzunluğunda avtomobil
yolları keçir
Tarixi və memarlıq abidələri haqda məlumat
Müasir Gəncənin 7 km Şimalında yerləşən Qədim Gəncənin möhtəşəm memarlıq abidələrindən biri də
«İmamzadə» türbəsidir. Bunu yerli əhali «Pir», «Göy İmam», «Göy kümbəz» deyə adlandırır. 6-7 metr
hündürlüyündə olan bu türbə 4 bucaqlı şəkildədir. Türbə xaricdən rəngli naxışlarla bəzənmişdir. Onun diqqəti
cəlb edən kümbəz hissəsi vardır. Gövdənin hündürlüyü 2,5 metr, xarici və daxili diametri 4 metrə yaxındır.
Türbənin xarici hissəsinin mərkəzi yerində ərəb dilində yazılmış kitabə vardır.
Kitabədə yazılmışdır: «Odur əbədi: bu şərəfli cənnət bağçası 120 il babasının « ona salam olsun -
hicrətindən sonra vəfat etmiş İmam Məhəmməd Bağır oğlu - ona salam olsun - Mövlana İbrahimin türbəsidir».
Bu kitabədən məlum olur ki, İmamzadə türbəsi VIII əsrdə inşa