edilmişdir.
Hələ sovetlər dövründə «İmamzadə» türbəsi Azərbaycan xalqının müqəddəs yeri olmuş və hakimiyyət
tərəfindən hər cür yasağa baxmayaraq, xüsusən III İmam Hüseynin qətl günü olan «Aşurə» günündə bu məbədi
minlərlə insan ziyarət edirdi.
Ölkə müstəqillik əldə etdikdən sonra məbəddə və ətraf sahədə əsaslı təmir abadlıq işləri aparılmış, məbədə
gedən yollar asfalt örtüyü ilə örtülmüş, ziyarətə gələnlər üçün hər cür şərait yaradılmışdır.
«Cömərdi « qəssab» - Bütpərəstliyə qarşı mübariz, İslam dinini Azərbaycanda ilk qəbul edənlərdən biri,
mərd, xeyirxah, əliaçıqlığı ilə şəhər sakinlərinin böyük hörmətini qazanan bu insan 664-cü ildə şəhərin
müdafiəsi zamanı qəhrəmancasına həlak olmuş, bu insanın məzarı üzərində qədirbilən şəhər əhalisi tərəfindən
türbə ucaldılmışdır.
Dairəvi formada tikilmiş bu abidə bişmiş kərpiclə hörülmüşdür. Divarın qalınlığı 80 sm olmuşdur.
Əfsuslar olsun ki, sovetlər dövründə abidə heç bir lüzum olmadığı halda tamamilə sökülmüş və abidənin
yerindən istilik xətti çəkilmişdir. Son illər şəhərdə aparılan quruculuq işləri çərçivəsində şəhərin başqa tarixi
abidələri ilə bərabər «Comərdi-qəssab» məbədi öz tarixi təməli üzərində tamamilə yenidən bərpa edilib və
sakinlərin ziyarət yerinə çevrilmişdir.
«Alban-məbədi» - XVII əsrin tarixi abidəsidir, 7 sütundan ibarətdir, dam örtüyü daşdandır və üstündə 8
guşəli baxış qülləsi yerləşir.
«Nizami məqbərəsi» - Dünya ədəbiyyatının korifeylərindən biri olan, Azərbaycan xalqının dahi şairi və
mütəfəkkiri Nizami Gəncəvinin məqbərəsi indiki Gəncə şəhərinin 7 km şərqində «Şıx düzü» deyilən yerdə inşa
edilmişdir.
Şeyx Nizaminin məzarı əsrlər boyu təkcə yerli əhalinin deyil, həm də Gəncəyə yolu düşən insanların
müqəddəs bildiyi yer olmuşdur.
Lakin bunlara baxmayaraq son dövrlərə qədər ulu Nizaminin qəbrinin üstündə tarixi keçmişdən xəbər verən,
memarlıq quruluşunda tikilmiş, xarici görkəmi, səliqəli olan abidə olmamışdır. Yalnız 1940-cı ildə türbədə
aparılmış qazıntı