,
podzollaşmış sarı torpaq, bataqlıq torpaqları. Torpağın qırmızı və sarı olması onların tərkibində dəmir
birləşmələrinin olması ilə əlaqədardır. Qırmızı torpaqlar ağır gillicəli və gilli mexaniki tərkibə malik olmaqla
fizioloji turş xassəlidir. Bu torpaqlarda əsasən sitrus və tərəvəz bitkiləri becərilir.
Lənkəran rayonu ərazisində 22675 hektar təbii meşə sahəsi və 850 hektar meşə fonduna daxil olmayan
yaşıllıqlar mövcuddur. Meşələr I qrup meşələr olmaqla dağlıq və dağətəyi ərazilərdə yerləşir. Zəngin bitki
örtüyünə malikdir. Meşə örtüyünün əsasını Qırmızı kitaba daxil edilmiş ağac və kol cinsləri təşkil edir. Zəngin
flora və faunası ilə məşhur olan Hirkan Milli Parkı və Qızılağac qoruğu Lənkəranın zəngin təbiət muzeyidir.
Lənkəran aqrar-sənaye rayonudur. Tərəvəz və çay istehsalına görə respublikada birinci yerdədir. Rayonda
heyvandarlıq, taxılçılıq, balıqçılıq, üzümçülük, meyvəçilik və sitrus bağçılığı inkişaf etmişdir. Burada tərəvəz
emalı zavodu, tərəvəz konserv kombinatı, balıq kombinatı, cihazqayırma zavodu, tikiş fabriki, mebel fabriki,
balıq konserv zavodu, kərpic zavodu, süd zavodu, çayçəkici və bükücü fabrik, çayın ilkin emalı və istehsalı
fabrikləri var.
Rayonun ərazisində 20 ölkə əhəmiyyətli arxeoloji, 53 yerli əhəmiyyətli memarlıq, 2 monumental, 2 daş-
heykəltaraşlıq və 9 yerli əhəmiyyətli arxeoloji abidələr vardır. Ən maraqlı tarixi abidələr: Mayak, Dairəvi Qala
(Zindan), Lənkəran qalası, Həzi Aslanovun ev-muzeyində, Böyük və Kiçik bazarda olan məscidlər, Alman
kilsəsi, Yəhudi sinaqoqu, Mir Əhməd xanın evi, Bəlləbur qalası, Sığın qəbiristanlığı, Şeyx Zahid və Seyid
Xəlifə türbələridir. Son vaxtlar Rayon Tarix - Diyarşünaslıq muzeyində bərpa işləri aparılmışdır. Muzey yeni
ekspozisiya planı əsasında qurulmuşdur. Burada Heydər Əliyev idarəçilik məktəbi təşkil edilmiş,
müstəqilliyimizlə bağlı geniş guşə yaradılmışdır. Mərkəzi kitabxanada "Regional İnternet Mərkəzi" fəaliyyət
göstərir. Mədəniyyət müəssisələrində