əlamətdar və tarixi günlər, dövlət bayramları qeyd olunur, yazıçı və
şairlərin yubileyləri, əyləncəli, şoular, ədəbi-bədii gecələr, disputlar, müharibə veteranları ilə görüşlər, musiqi
kollektivlərinin iştirakı ilə konsertlər, teatrlaşdırılmış mədəni-kütləvi tədbirlər keçirilir.
Lənkəran şəhərinin mərkəzində ümummilli lider Heydər Əliyevin abidəsi ucaldılmışdır.
Lənkəran Azərbaycanın çox qədim yaşayış məskənlərindən biridir.
Bölgə ərazisində aparılmış arxeoloji qazıntılar bu yerlərdə hələ tunc
dövründən, yəni eramızdan əvvəl III-II minilliklərdə insanların yaşadığını
təsdiq etmişdir. Əlverişli iqtisadi-coğrafi mövqeyi, füsunkar təbiəti, qədim
dünyanın qüdrətli dövlətləri ilə əlaqələri, Qərblə Şərqi birləşdirən əsas
karvan yollarının qovşağında və Xəzər dənizi sahillərində yerləşməsi onun
inkişafını xeyli sürətləndirmişdir.
Lənkəran XVIII əsrə qədər kiçik yaşayış məntəqəsi olmuşdur. O vaxtlar
burada cəmi 200-ə yaxın ev varmış. 1747-ci ildən Lənkəran Talış xanlığının mərkəzi şəhərinə çevrilmişdir.
Münbit torpaqları, bol suyu və mülayim iqlimi olan Lənkəranda əhalinin ən qədim məşğuliyyəti əkinçilik,
maldarlıq, bağçılıq, balıqcılıq, ipəkçilik və arıçılıq olmuşdur. Lənkəranda dəmirçilik, misgərlik, dulusçuluq və
başqa sənətlər geniş yayılmış, xanlığın iqtisadi inkişafında ticarət mühüm rol oynamış, İran, Türkiyə, Rusiya,
Orta Asiya dövlətləri ilə, Cin, Pakistan, Hindistanla ticarət əlaqələri yaradılmışdır.
1828-ci il Gülüstan sülhü ilə Şimali Azərbaycan Rusiyaya qatıldıqdan sonra Lənkəran rus imperiyasının
ucqarlarındakı əsas şəhərlərindən birinə çevrilmişdir. Şəhərdə taxta, kirəmit, kərpic zavodları, şəkər qamışından
qənd, üzüm, balıq məhsulları istehsal edən sənaye müəssisələri yaradılmışdır. XVIII-XIX əsrlərdə Lənkəran
xarici ölkələrə düyü, kətan, ipək, tərəvəz, meşə materialları, balıqçılıq məhsulları ixrac etmişdir. Bu məhsullar
əsasən Rusiyaya ixrac olunmuşdur. Azərbaycanda sovet hakimiyyəti illərində Lənkəran