km
-kateqoriyası - II
Tarixi və memarlıq abidələri haqda məlumat
Azərbaycan Respublikası Nazirlər Kabinetinin «Azərbaycan Respublikası ərazisində dövlət mühafizəsinə
götürülmüş daşınmaz tarix və mədəniyyət abidələrinin əhəmiyyət dərəcəsinə görə bölgüsünün təsdiq edilməsi
haqqında» 2 avqust 2001-ci il tarixli qərarına əsasən Mingəçevir şəhəri ərazisində ölkə əhəmiyyətli 5 abidə və
yerli əhəmiyyətli 2 abidə qeydiyyata alınmışdır.
Mingəçevir Dövlət Dram teatrının binası ölkə əhəmiyyətli memarlıq abidəsidir. Bina 1952-ci ildə
energetiklərin mədəniyyət sarayı kimi tikilmişdir. Bina iki mərtəbəli olmaqla 500 yerlik tamaşa zalı vardır.
Binanın əsas fasadı milli memarlıq üslubunda tikilmiş binalarla əhatə olunmuş meydana baxır. 1968-ci ildə
Dram Teatr yaradılan zaman bina həmin teatrın istifadəsinə verilmişdir.
Mingəçevirin ilk şəhərsalma dövründə tikilmiş Mədəniyyət və İstirahət bağı, bağ-park, monumental xatirə
abidəsi kimi qeydiyyata alınmışdır. Sonrakı dövrlərdə bağın memarlıq həllində bir çox dəyişikliklər edilmişdir.
Bağa giriş orijinal memarlıq üslubunda həll edilmiş və 1986-cı ildə orada xalq şairi Səməd Vurğunun abidəsi
ucaldılmışdır.
Şəhər ərazisində üç arxeoloji abidə qeydiyyata alınmışdır. Bunlar ilk və orta tunc dövrünə aid yaşayış yeri,
son tunc və ilk dəmir dövrünə aid yaşayış yeri və e. ə. III-I əsrlərdən e. I-III əsrlərinə aid küp qəbirləri
nekropoludur.
Mingəçevir şəhərində qeydə alınmış iki yerli əhəmiyyətli abidələrdən biri şəhərin Nizami prospektində
yerləşən faşizm üzərində qələbənin 30 illik yubileyi münasibətilə ucaldılan «Ana Vətən» abidəsi, digəri isə
şəhərin cənub-qərbində yerləşən orta əsrlərə aid edilən arxeoloji abidə yaşayış yeridir.
Yuxarıda qeyd olunanlardan əlavə son zamanlar Mingəçevir şəhərində bir neçə abidə tikilmişdir.
2001-ci ildə «Şəhidlər Xiyabanı» kompleksində «Azərbaycanlıların soyqırımı və deportasiyası» abidəsi
ucaldılmışdır ki, bu abidə ölkəmizdə bu mövzuda ucaldılmış ilk abidədir.