. Abidənin hündürlüyü 13,5 metrdir.
Səkkiz tərəfi prizma şəklində ucalan əsas element yanan şamı göstərir. Abidənin arxa divarlarında xalqımızın
zaman-zaman məruz qaldığı soyqırımı və deportasiyası tarixi kitabə şəklində verilmişdir.
Ölkəmizdə ana dilinə ilk dəfə abidə Mingəçevir şəhərində ucaldılmışdır. 2002-ci ildə ucaldılmış bu abidənin
hündürlüyü 9 metrdir. Abidənin mərkəzi elementi olan ana dili kitabı çevrə ilə haşiyəyə alınmışdır. Kitab
üzərində dilimizin qədimliyini göstərən lələk həkk olunmuşdur.
2003-cü ildə şəhərimizdə daha iki abidə ucaldılmışdır. Bunlar «İstiqlal» və «Mingəçevir qədim yaşayış
məskənidir» abidələridir.
«İstiqlal» abidəsinin hündürlüyü 10,5 metrdir. Səkkiz guşəli ulduzun iti daxili tinləri arasından dalğalanaraq
ucalan bayraq müstəqilliyimizin çətinliklə qazanıldığını bildirir.
«Mingəçevir qədim yaşayış məskənidir» abidəsi şəhərin girəcəyində ucaldılmışdır və hündürlüyü 19
metrdir. Abidənin aşağısında Mingəçevirin qədimliyini özündə əks etdirən elementlər verilmişdir. Oturacaq
üzərində Mingəçevir şəhərində tapılan V-VI əsrlərə aid olan alban mədəniyyətindən xəbər verən arxeoloji eksponatın (qəbir daşı) üzərindən götürülmüş təsvirin relyefi həkk olunmuşdur. Təsvirdə qarşı-qarşıya dayanmış
iki simurq quşları əks olunmuşdur.
Oturacağın üstündə isə neolit dövründən xəbər verən 3,5 metr hündürlüyündə simvolik küp qoyulmuşdur.
Mingəçevir Arxeoloji Kompleksi Bozdağ silsiləsinin cənub ətəklərində, Kürün hər iki sahilində Tunc
dövründən (e.ə. 3-cü minillikdən) son orta əsrlərədək (XVII əsrədək) dövrü əhatə edən abidələrdən -4 yaşayış
yeri və 4 böyük qəbiristanlıqdan ibarətdir.
Mingəçevirin bu gününü, sabahını özündə əks etdirən və su elektrik stansiyalarının simvolu olan 15 metr
hündürlüyündə iki obelisk ucaldılmışdır. Həmin obelisklərin baş hissəsində Mingəçevir şəhərinin işıq şəhəri
olduğunu özündə əks etdirən element bərkidilmişdir.
Şəhərin mərkəzində ümummilli lider Heydər Əliyevin abidəsi