səyyahı X. Berrou tərəfindən 1580-ci ildə çəkilmişdir.
“Qafqaz şəhəri” kitabında Sumqayıt poçt stansiyasının adını çəkmişdir.
1935-ci ilin iyul ayında SSRİ ağır sənaye xalq komissarlığının kollegiya iclasına bütün müttəfiq
respublikaların nümayəndələri dəvət edilib. Onların arasında Azərbaycandan gəlmiş bir dəstə mütəxəssis də var
idi. İclasda Milli respublikalardan gəlmiş nümayəndə heyətlərinə öz respublikalarında sənayeni yenidən qurmaq
və inkişaf etdirmək barədə əməli göstəriş verilir. Azərbaycandan gəlmiş mütəxəssislərə isə tapşırılır ki, onlar
Abşeron yarımadası ərazisində gələcəkdə tikiləcək istilik-elektrik stansiyası və bir neçə ağır sənaye müəssisəsi
üçün yerlər müəyyənləşdirsinlər.
Çox keçmir ki, Azərbaycanın yeni sənaye şəhərinin Abşerona salınması üçün ixtisaslaşmış komissiya
yaradılır. Komissiyanın üzvləri məsələni xeyli müzakirə etdikdən sonra belə qərara gəlirlər ki, Azərbaycanın
yeni şəhəri və onun sənaye obyektləri Bakının şimalında 35-36 km məsafədə yerləşən Sumqayıt dəmiryol
stansiyası yaxınlığında tikilsin.
Azərbaycanın yeni sənaye mərkəzi üçün Sumqayıt ərazisinin seçilməsi təsadüfi deyildir. Əvvəla Sumqayıt
respublikanın paytaxtı Bakı şəhərinə yaxın idi. Digər tərəfdən isə, Bakı-Rostov-Moskva dəmiryol xəttinin və
Nasosnu-Bakı su kəmərinin yaxından keçməsi, Xəzər dənizinin yaxınlıqda olması və s. şərtləri şəhərin salınması
işini asanlaşdırır və gələcəkdə daha da inkişaf etməsinə imkan yaradırdı.
Nəhayət 1938-ci ildə indiki Sumqayıt istilik-elektrik stansiyanın tutduğu sahədə Sumqayıt meydana gəldi.
Sumqayıt İ. E. S. –nın inşaatçıları və quraşdırıcıları üçün müvəqqəti yaşayış məntəqələrinin tikintisinə başlandı.
1941-ci ilin fevral ayının 13-də Sumqayıt İ. E. S.-nin I generatoru Bakı neft sənayesinə ilk cərəyan verdi.
Azərbaycanda ilk İ. E. S.-işə başladı.
1939-1940-cı illərdə kimya, boru yayma, sintetik kauçuk zavodlarının bölmələri tikilməyə başlanıldı. Lakin
Böyük Vətən müharibəsinin başlanması ilə Sumqayıt