n əsas amilləridir. Dünyada ən böyük dolu parçaları Şəki rayonunda
1850-ci ildə qeydə alınmışdır. Hadisə Tbilisidə çıxan Daxili İşlər Nazirliyinin jurnalında təsvir edilmişdir.
Jurnalda xəbər verilir ki, ağırlığı 10 kq-a çatan buz parçaları damların üstündə hörülmüş 7 qat qamışı qırıb
keçmişdir. Şəkidə dolu olan günlərin orta illik sayı 1,4-dür, yəni 10 ildə 14 dəfə dolu yağır.
Dəniz səviyyəsindən 500-850 m hündürlük, ətrafında olan dağ meşələri şəhərin qızmasının qarşısını alır.
Dağ meşələri şəhərin sellərdən qorunmasına imkan verir, şəhərin mənzərəsini daha da gözəlləşdirir.
Şəki rekreasiya obyektlərinin zənginliyinə görə Azərbaycanın başqa kurort yerlərindən fərqlənir. Marxalda,
Soyuqbulaqda, Gələrsən-görərsən qalası yaxınlığında yaradılan istirahət və xidmət obyektləri, turist bazası
şəhərin rekreasiya imkanlarını daha da artırır.
Çimli dağ-çəmən, qonur dağ meşə, qəhvəyi dağ meşə, çəmən-meşə, boz qonur torpaqlar yayılmışdır.
Meşələrdə palıd, fıstıq, vələs ağacları geniş sahə tutur. Heyvanat aləmi zəngindir - nəcib maral, cüyür, yenot,
sincab, köpgər, daşlıq dələsi, canavar, tülkü, boz dovşan, çölsiçanı, qırmızıquyruq qumsiçanı, ular, qırqovul,
kəklik və s. məskunlaşmışdır. Şəki yasaqlığı yaradılmışdır.
Şəhərin əsas çayları Kiş və Qurcana çaylarıdır. Kiş Əyriçayın çağ qolu olub uzunluğu 33 km, hövzəsinin
sahəsi 265 kvadrat km-dir. Baş Qafqaz silsiləsinin cənub yamacından 2900 m yüksəklikdən başlayır. Yuxarı
axında Damarçın adlanır.
Şəki rayonunun iqtisadiyyatında taxılçılıq, tütünçülük, heyvandarlıq və baramaçılıq mühüm yer tutur.
Kütləvi informasiya vasitələri haqda məlumat
Şəkidə «Şəki», «Şəkinin səsi», «Təhsil haqqında», «Şəki xəbər», «Region Şəki» qəzetləri, Şəki Radio
verilişləri redaksiyası fəaliyyət göstərir.
Avtomobil, dəmir yolları haqda məlumat
Şəkinin ərazisindən respublika əhəmiyyətli aşağıdakı yollar keçir:
1. II dərəcəli, asfalt-beton örtüklü Xaldan-Zaqatala magistralının 63 km-i;
2. III dərəcəli, asfalt-beton