Şirvan şəhəri
(keçmiş Əli Bayramlı şəhəri)
Yaranma tarixi – 1954-cü il
Ərazisi - 0,07 min kv. km
Əhalinin sayı - 87,4 min nəfər (1 yanvar, 2020-ci il)
Əhalinin sıxlığı – 1 kv. km 1249 nəfər (1 yanvar 2020-ci il)
Qəsəbələrin sayı – 2
Şirvan şəhəri ilə Bakı arasında olan məsafə - 113 km
ƏHALİNİN SAYI
(1 yanvar, 2009-cu il əhalinin siyahıyaalınması məlumatları əsasında)
Ərazi Cəmi Kişi Qadın
nəfər faiz nəfər faiz nəfər faiz
Şirvan şəhəri 77060 100,0 37698 49,7 39362 50,3
Ümumi məlumat
Şirvan şəhəri 1938-ci ilədək Zubovka adlanıb, 1938-1954-cü illərdə qəsəbə, 1954-cü ildən sonra isə şəhər
statusu almışdır. Kür çayının sol sahilində, Şirvan düzündə yerləşir. Hacıqəhrəmanlı və Bayramlı qəsəbələri
Şirvan şəhərinin inzibati vahidləridir. İqlimi quru olmaqla qışı mülayim (yanvarda 0-3°C), yayı istidir (iyulda
30°C).
Şirvan sənaye şəhəridir. Ətrafında neft və qaz çıxarılır. Şəhərdə süni dəri, saxsı boru, cihaz və
dəzgahqayırma zavodları, yağ-piy kombinatı, çörək zavodu, dəmir-beton evtikmə kombinatı, yeyinti
konsentratları zavodu, şirə zavodu, iri sənaye obyekti - Şirvan DRES-i var.
Şirvan şəhərində 14 orta və 1 ibtidai məktəb, pedaqoji texnikum, Türkiyənin "Çağ" Öyrətim Şirkətinin
İqtisadiyyat Liseyi, texniki peşə liseyi, musiqi məktəbi, muzey, xalq teatrı, mədəniyyət evi, 14 klub, 20
kitabxana, 5 xəstəxana var.
Şirvan şəhəri yerləşən bölgənin keçmişi ilə bağlı bəzi məqamlar tariximizin şanlı səhifələridir. E. ə. II və III
minilliklərdən orta əsrlərə kimi Şirvan şəhərinin indiki ərazisindən keçən ən qədim karvan yolları Azərbaycanın
bütün bölgələrini birləşdirirdi. Bu bölgəyə yaxın karvansaray və onlarla yaşayış məskənlərinin xarabalıqlarının
hazırkı dövrə qədər qalması deyilənlərə sübutdur.
Müxtəlif dövrlərdə bu ərazi Şirvanşahların, Şirvan bəylərbəyiliyinin, Şamaxı xanlığının, qismən Cavad
xanlığının, Şamaxı qəzasının və Cavad qəzasının tabeliyində olmuşdur.
Azərbaycandakı cırtdan feodal dövlətləri birləşdirmək, qüdrətli