Azərbaycan dövləti yaratmaq üçün ilk səfəri
zamanı Şah İsmayıl Xətai 1500-cü ilin II yarısında indiki Şirvan şəhərinin ərazisindən keçən karvan yolu ilə
hərəkət edib, qışı Mahmudabad şəhərində keçirmişdir.
Tarixin qaranlıq səhifələrini aşkara çıxarmaq üçün indi də bu istiqamətdə geniş arxeoloji-tədqiqat işləri
aparılır.
Çar imperiyasının Azərbaycanı işğal etmək məqsədi ilə ilk təcavüzkar yürüşlərinin izləri bu ərazidə hal-
hazıra kimi qalmaqdadır. 1796-cı ilin aprelində II Yekaterinanın məkrli işğalçılıq missiyasını həyata keçirmək
üçün general V. Zubov 30 minlik qoşun və Xəzər donanması ilə Azərbaycana hücum edir. Bakını, Salyanı və
Dərbəndi ələ keçirir. Kür çayının sol sahilində düşərgə salır. Böyük strateji mövqeyə malik Şirvan şəhərinin
indiki ərazisinə yaxın yerdə II Yekaterinanın şərəfinə hətta şəhər salmaq üçün plan hazırlayır. Lakin II
Yekaterinanın ölümü, I Pavelin qoşunları geri çağırması Zubovun planlarını alt-üst edir.
Şirvan şəhərinin indiki ərazisində XIX əsrdə sonuncu yaşayış məskəni Ərəbşahverdili kəndi olmuşdur. Bu
yaşayış məskəninə sonralar işğalçı generalın şərəfinə «Zubovka» adı verilmişdir.
1902-ci ildə Kür çayı üzərində suvarma stansiyası - bərə istifadəyə verilmişdir.
Bakı-Culfa dəmir yolu 1911-ci ildə çəkilməyə başlanmış, 1917-ci ildə isə Kür çayı üzərində taxta körpü
tikilmişdir.
Erməni daşnaklarının hücumu zamanı 1918-ci ildə taxta körpü yandırılmış, 1924-1927-ci illərdə metal tağlı
körpü ilə əvəz edilmişdir. Zubovkada istifadəyə verilmiş dəmir yolu stansiyası Papanino adlandırılmışdır. Kür
çayının Muğan sahilində 1916-cı ildə bünövrəsi qoyulmuş pambıqtəmizləmə zavodunun tikintisinin 1925-ci ildə
başa çatması Zubovkanı xeyli genişləndirdi. 1920-ci ildə ilk ibtidai məktəb fəaliyyətə başladı.
1930-cu ildə Zubovka Salyan qəzasının tabeliyində olmuş, əhalisi artmış, kiçik abadlıq işləri görülmüşdür.
Salyan qəzasının 12 kəndi və iki qəsəbə soveti birləşərək 30 avqust 1930-cu ildə Əli Bayramlı rayonu