iyulda isə müvafiq olaraq 19°C-dən 26°C-
dəkdir. İllik yağıntı 110-550 mm-dir. Çay şəbəkəsi seyrəkdir (Sumqayıt, Ceyrankeçməz və s.). Abşeron
yarımadasının ən iri su hövzəsi - Ceyranbatan su anbarı bu rayonun ərazisindədir. Şor göllər mövcuddur. Ən
irisi Masazır gölüdür. Boz-qonur, şorakətvarı boz-qonur, şabalıdı, dağ-şabalıdı və s. torpaqlar yayılmışdır. Bitki
örtüyü, əsasən, yarımsəhra və quru çöl tiplidir. Heyvanları: yenot, çölsiçanı və s. Sürünənlər çoxdur. Quşları:
kəklik, göyərçin, qaraqarın bağrı-qara və s.
Abşeron, əsasən, kənd təsərrüfatı rayonudur. Heyvandarlıq (xüsusilə maldarlıq, qoyunçuluq, quşçuluq),
bağçılıq (əsasən, zeytun) və tərəvəzçilik sahələri inkişaf etdirilmişdir. Respublikada yeganə Dəvəçilik Dövlət
Təsərrüfatı (Qobu Damazlıq Təsərrüfatı) Abşeron rayonundadır. Müxtəlif sənaye müəssisələri ("Azbentonit",
"Mətanət-A" şirkəti və s.) var.
Kütləvi informasiya vasitələri haqda məlumat
Rayonda kütləvi informasiya vasitəsi kimi «Abşeron» qəzeti fəaliyyət göstərir. «Abşeron» qəzeti 1962-ci
ilin may ayından Azərbaycan KP MK-nın və Azərbaycan SSR Nazirlər Sovetinin rayonlararası qəzeti kimi
Abşeron və Dəvəçi (indiki Xızı və Siyəzən rayonlarının əraziləri də daxil olmaqla) rayonlarının ərazilərinin sosial-siyasi və iqtisadi həyatını işıqlandırmaq məqsədilə təsis olunmuşdur. 1964-cü ilin mayından «Abşeron»
qəzeti Azərbaycan KP Abşeron Rayon Komitəsinin və rayon XDS-nin orqanı kimi fəaliyyətini yalnız Abşeron
rayonunun ictimai-siyasi həyatının işıqlandırılması ilə 1991-ci ilin sonlarınadək davam etdirmişdir. 1992-1994 -
cü illərdə «Abşeron» qəzeti Abşeron rayon XDS-nin orqanı kimi fəaliyyət göstərmiş, 1994-cü ildən həmin
qəzetin nəşri müvəqqəti dayandırılmışdır.
1997-ci ilin avqustunda «Abşeron» qəzetinin nəşri bərpa olunmuş və o, 1998-ci ilin yanvarından Abşeron
Rayon İcra Hakimiyyətinin qəzeti kimi müntəzəm olaraq çıxır.
Avtomobil, dəmir yolları haqda məlumat
Bakı-Quba magistral avtomobil yolunun 11-26-cı kilometri