Abşeron rayonu
Yaranma tarixi - 04.01.1963
Ərazisi – 1,97 min kv. km
Əhalinin sayı – 214,1 min nəfər (1 yanvar 2020-ci il)
Əhalinin sıxlığı – 1 kv. km 109 nəfər (1 yanvar 2020-ci il)
Şəhərlərin sayı – 1.
Kəndlərin sayı - 8
Qəsəbələrin sayı – 8
Abşeron rayonu ilə Bakı arasında olan məsafə - 5 km
ƏHALİNİN SAYI
(1 yanvar 2009-cu il əhalinin siyahıyaalınmasının məlumatları əsasında)
Ərazi Cəmi Kişi Qadın
nəfər faiz nəfər faiz nəfər faiz
Abşeron rayonu 189794 100,0 95235 51,2 94559 49,8
şəhər əhalisi 157410 82,94 78803 82,75 78607 83,13
kənd əhalisi 32384 17,06 16432 17,25 15952 16,87
Ümumi məlumat
Abşeron rayonu yarımadanın qərbində yerləşir. Mərkəzi Xırdalan şəhəridir. Xırdalan qəsəbəsi 30-40-cı
illərdə Binəqədi, 50-ci illərin birinci yarısında Maştağa, 50-60-cı illərdə yenidən Binəqədi rayonunun tabeliyinə
verilmiş, Azərbaycan SSR Ali Soveti Rəyasət Heyətinin 4 yanvar 1963-cü il tarixli fərmanı əsasında yaradılmış
Abşeron rayonunun mərkəzi kimi fəaliyyət göstərmişdir.
Xırdalan 1936-cı ildə şəhər tipli qəsəbə olmuş və Azərbaycan Respublikası Prezidentinin imzaladığı 2
oktyabr 2006-cı il tarixli Qanun əsasında Xırdalana şəhər statusu verilmişdir.
Rayona Xırdalan şəhəri, Qobu, Digah, Güzdək, Aşağı Güzdək, Saray, Hökməli, Ceyranbatan, Mehdiabad
qəsəbələri və Masazır, Məmmədli, Novxanı, Goradil, Fatmayı, Pirəkəşkül, Qobustan kəndləri daxildir.
Abşeron rayonu Böyük Qafqazın cənub-şərq hissəsindədir. Relyefində quru dərələr, yarğanlar, təpələr və
çökəkliklər əsas yer tutur. Ərazinin Xəzərsahili hissəsi okean səviyyəsindən 28 m-dək aşağıdır. Rayonun
ərazisində, əsasən, Tabaşir, Paleogen, Neogen və Antropogen çöküntüləri yayılmışdır. Çoxlu palçıq vulkanları
var. Ən məşhuru "Yanar-dağ" rayonun Məmmədli kəndi yaxınlığındadır. İqlimi düzən sahələrdə mülayim isti və
quru subtropik, dağlıq ərazilərdə isə mülayimdir. Şimal küləkləri (xəzri) hava şəraitini kəskin dəyişdirir. Orta
temperatur yanvarda dağlarda -4,5°C-dən düzənlikdə 2,5°C-dək,