Ağstafa rayonu
Yaranma tarixi - 24.04.1990
Ərazisi - 1,50 min kv. km
Əhalinin sayı – 88,5 min nəfər (1 yanvar, 2020-cı il)
Əhalinin sıxlığı – 1 kv. km 59 nəfər (1 yanvar 2020-cı il)
Şəhər - 1
Kəndlərin sayı - 29
Qəsəbələrin sayı – 9
Ağstafa rayonu ilə Bakı arasında olan məsafə - 461 km

Ümumi məlumat

Ağstafa rayonu 1939-cu ildə təşkil olunmuş, 1959-cu ildə ləğv edilib ərazisi Qazax rayonuna verilmiş,
1990-cı ildə yenidən bərpa olunmuşdur. Respublikanın şimal-qərb hissəsində, Kiçik Qafqazla Qabırrı yaylası
arasında, Gəncə-Qazax maili düzənliyində və Ceyrançöl ön-dağlığında yerləşir. Mərkəzi Ağstafa şəhəridir.
Rayona Ağstafa şəhəri, Saloğlu, Vurğun, Böyük Kəsik, Soyuq Bulaq, Soyuq Bulaqlar, Həzi Aslanov,
Qarayazı, Poylu, Ceyrançöl, Şəkərli qəsəbələri və Poylu, Qıraq Kəsəmən, Dağ Kəsəmən, Köçəsgər, Aşağı
Kəsəmən, Zəlimxan, Tatlı, Köhnəqışlaq, Yaradullu, Düzqışlaq, Kolayır, Pirili, Kolxəlfəli, Muğanlı, Sadıqlı,
Köçvəlli, Xətai, Yenigün, Aşağı Göycəli, Qaçaq Kərəm, Eynallı, Göycəli, Böyük kəsik, Qırıqlı, Xılxına,
Mollacəfərli, Həsənsu, Qarahəsənli kəndləri daxildir.
Səthi, əsasən, düzənlikdir (Gəncə-Qazax və Qarayazı düzləri), cənub-qərb və şimal-şərq hissələri alçaq
dağlıqdır. Tabaşir, Paleogen və Antropogen çöküntüləri yayılmışdır. Faydalı qazıntıları: mişar daşı, bentonit
gili, çınqıl, qum, sement xammalı və s. İqlimi mülayim isti, quru subtropikdir. Qışı quraq keçir. Orta temperatur
yanvarda -5°C-dən 0°C-yədək, iyulda 18-25°C-dir. İllik yağıntı 350-700 mm-dir. Rayonun ərazisindən Kür çayı
keçir. Ağstafa və Həsənsu çaylarının aşağı axınları Ağstafa rayonu ərazisindədir. Əsasən, dağ şabalıdı, dağ boz-
qəhvəyi, şabalıdı, açıq şabalıdı dağ-meşə torpaqları yayılmışdır. Yovşanlı-şoran-otulu yarımsəhra və çöl
bitkiləri, Kür çayı sahilində Tuqay meşələri vardır. Heyvanları: ayı, canavar, tülkü, çöldonuzu, boz dovşan,
çölsiçanı və s. Quşları: qırqovul, turac, kəklik, göyərçin və s. Qarayazı Dövlət qoruğu Ağstafa rayonu