t
mərkəzi, rəqs qrupu, musiqi ansamblı, el aşığı qrupu və sair vardır. Azərbaycanın qədim guşələrindən biri kimi
Astara əsrlər boyu müharibə meydanı olmuşdur. Heç də təsadüfi deyildir ki, 1638-ci ildə Astarada olmuş
məşhur alman səyyahı Adam Oleari yazırdı: «Astaralılar həmişə silahı hazır saxlayırlar».
Rayonun Ərçivan kəndində 1499-cu ildə əsası qoyulmuş Məhəmməd Hənəfiyə məscidi Şah İsmayıl Xətai
tərəfindən ziyarət edilmişdir. Həmin kənddə XIX əsrə aid Kərbəlayı Həmid Abdulla hamamı, Pensər kəndində
Məşədi Abutalıb hamamı, Hacı Teymur və Hacı Canbaxış məscidləri diqqəti cəlb edir.
Astarada IX-XIII əsrlərin yadigarı, Azərbaycan xalqının qədim mədəniyyətini və tarixini özündə əks etdirən
Şeyx Məhəmməd Zalani, Şeyx Məhəmməd Dilimi, Şeyx Nəsrulla, Baba Rəsul, Baba Cəbrayıl, Baba Misi, Baba
Məhəmməd, Seyid Camal, Sultan Əhməd İbn Kərim, Seyid Kərim, Qırx Övliya, Xudavənd Xatun, Gəzəndaş və
başqa onlarla ziyəratgahlar, pirlər, ocaqlar vardır. Maşxan kəndindəki Seyid Əhmədin məzar daşının XIV əsrə
aid olması tanınmış tarixçi Məşədi Xanım Nemətova tərəfindən 1956-cı ildə tədqiq edilmişdir. O, məzar daşının
üzərində bu ifadələrin yazılmasını müəyyən etmişdir. «Fələyin dərzisi elə bir köynək tikməmişdir ki, onu hamı
axıra qədər geyə bilsin».
Astara rayonunun mərkəzində ümummilli lider Heydər Əliyevin abidəsi