Astara rayonu
Yaranma tarixi - 08.08.1930
Ərazisi - 0,62 min kv. km
Əhalinin sayı - 109,7 min nəfər (1 yanvar, 2020-cı il)
Əhalinin sıxlığı – 1 kv. km 177 nəfər (1 yanvar 2020-cı il)
Şəhər - 1
Kəndlərin sayı - 89
Qəsəbələrin sayı – 2
Astara rayonu ilə Bakı arasında olan məsafə - 313 km

Ümumi məlumat

Rayon 1963-cü ildə ləğv edilib Lənkəran rayonuna birləşdirilmiş, 1965-ci ildə ayrılaraq yenidən müstəqil
rayon olmuşdur. Rayon cənub-qərbdən və cənub-şərqdən İranla həmsərhəddir. Mərkəzi Astara şəhəridir.
Rayona Astara şəhəri, Kijəbə qəsəbəsi və Oyakəran, Tüləküvan, Burzubənd, Noyabud, Ovala, Xıçaso,
Şəmətük, Sipiyaəlfətik, Vənəşikəş, Suparibağ, Məscidməhəllə, Qapıçıməhlə, Rudəkənar, Seləkəran, Ərçivan,
Səncərədi, Artupa, Alaşa, Şuvaş, Züngüləş, Şuvi, Sərək, Vəznəş, Siyətük, Səlivə, Deqadi, Səkəşam, Təngərud,
Maşxan, Pensər, Telman, Şiyəkəran, Şahağac, Kokolos, Gülyatan, Bala Şahağac, Qamışovka, Siyəkü,
Lələkəpeştə, Vaqo, Liəzi, Sıqalonu, Sihəkəran, Binabəy, Şıxaməhlə, Siyakeş, Şaqlazüzə, Həsin, Güləşə, Rinə,
Taxtakəran, Qanqalaş, Lobir, Vaqadi, Miki, Giləparqo, Çuvaş, Viləşə, Bili, Marzəsə, Bio, Asxanakəran, Balbau,
Azaru, Bur-sut, Motalayataq, Əkbərməhlə, Şıxımpeştə, Anbabu, Vələparqo, Dəstor, Hamoşam, Kilinbi,
Kamlakan, Toradi, Rıvadila, Rıqlaba, Pəlikəş, Lomin, Vavada, Dolu, Sipiyət, Şəvqo, Avyarud, Sım, Şümrüd,
Dürriyə, Diqo, Çükəş, Sipiyəpart kəndləri daxildir.
Relyefi qərbdə dağlıq (Talış silsilələri), şimal-şərqdə düzənlikdir (Lənkəran ovalığı). Dağlıq hissədə bəzi
zirvələrin hünd. 2000 m-ə yaxındır.
Xəzər sahilində dar zolaqda Antropogen, dağlıq və dağətəyi yerlərdə isə Paleogen çöküntüləri yayılmışdır.
Mineral bulaqlar (Ağ körpü, İstisu, Sım, Bi, Toradi, Şeyx Nəsrullah bulaqları və s.) var. İqlimi yayı quraq keçən
mülayim istidir. Rayonun düzənlik və dağətəyi hissəsi respublikanın rütubətli subtropik zonasına daxildir. Orta
temperatur yanvarda -l,5°C-dən 4°C-yədək, iyulda 15-25°C-dir. İllik yağıntı 1200-1750 mm-dir.