u dövrdə Vətənin,
doğulduğu torpağın təəssübünü çəkən ziyalı və qabaqcıl adamlara ehtiyac var idi. Düşmən qüvvələrin qarşısına
cəsarətlə çıxan belə adamlardan biri də balakənli, Qori Seminariyasında dahi bəstəkar Üzeyir Hacıbəyovla birgə
oxumuş, onunla qohum olmuş Həmzət bəy Xəlilov idi. O, Zaqafqaziya Seymi dağıldıqdan sonra başçılıq etdiyi
azərbaycanlılardan ibarət süvari dəstələrini Tiflisdən Balakənə gətirmiş və Azərbaycan Demokratik
Respublikasının yeni yaranan ordusunun tərkibində bu ərazinin sərhədlərinin mühafizəsində, amanlığın
qorunmasında fəal iştirak etmişdir.
Balakən oğulları II Dünya müharibəsində də cəsur, igid olduqlarını nümayiş etdirmişlər. Alman faşizminə
qarşı müharibəyə gedən 6882 nəfərdən 2315 nəfəri döyüşlərdə həlak olmuşdur. Döyüş meydanında göstərdikləri
şücaətə görə yüzlərlə iştirakçı dövlət orden və medalları ilə təltif edilmişdir. Qarabağ uğrunda döyüşlərdə də
Balakən 152 şəhid vermişdir. 82 vətənpərvər gənc isə ailəsinə əlil kimi qayıtmışdır.
Müharibədən sonrakı illərdə balakənlilərin əmək cəbhəsində qazandıqları uğurlar böyük olmuşdur. Maraqlı
faktdır ki, Balakən rayonu nəhəng SSRİ məkanında bəlkə də yeganə rayondur ki, 19 nəfər o dövrün ən yüksək
dövlət təltifinə, Sosialist Əməyi Qəhrəmanı adına layiq görünmüşlər.
Balakənin iqtisadi, sosial və mədəni həyatında baş verən böyük dəyişikliklər ötən əsrin 70-80-ci illərində
Azərbaycan xalqının ümummilli lideri Heydər Əliyevin respublikaya başçılıq etdiyi illərə təsadüf edir. Dahi
rəhbərin gördüyü böyük işlərlə yanaşı nəsillərin yaddaşında qalacaq ən böyük hədiyyəsi isə bu bölgə üçün
mühüm əhəmiyyət kəsb edən Bakı-Balakən dəmir yolunun istifadəyə verilməsidir.
Balakən iqtisadiyyatında aqrar sektor aparıcı sahədir. Tütünçülük, meyvəçilik, baramaçılıq və qarğıdalıçılıq
Balakən əməkçilərini şöhrətləndirən sahələrdir. Bununla yanaşı, heyvandarlıq məhsulları istehsalı, tərəvəzçilik,
taxılçılıq, eləcə də ənənəvi olmayan üzümçülük və balıqçılıq sahələri də