Balakən rayonu
Yaranma tarixi - 08.08.1930
Ərazisi - 0,94 min kv. km
Əhalinin sayı - 99,1 min nəfər (1 yanvar, 2020-cı il)
Əhalinin sıxlığı – 1 kv. km 105 nəfər (1 yanvar 2020-cı il)
Şəhər – 1
Kəndlərin sayı - 57
Qəsəbələrin sayı – 1
Balakən rayonu ilə Bakı arasında olan məsafə - 394 km

Ümumi məlumat

Azərbaycanın şimal-qərbində, Böyük Qafqazın yamaclarında, Alazan-Həftəran vadisində yerləşən Balakən
rayonu təbii ehtiyatlarının zənginliyinə, iqtisadi potensialına və mədəni irsinə görə respublikanın görkəmli
rayonlarından biridir. Şimaldan Rusiya Federasiyası (Dağıstan MR) ilə, şimal-qərb və cənub-qərbdən Gürcüstan
Respublikası ilə, şərqdən isə Zaqatala rayonu ilə həmsərhəddir. İnzibati vahid kimi 1930-cu ildə təşkil edilmiş,
1954-cü ildə şəhər tipli qəsəbə, 1968-ci ildə şəhər statusu almışdır. Əhalinin 68%-ni azərbaycanlılar, 29%-ni
avarlar, 2%-ni ingiloylar, 1 %-ni başqa millətlər təşkil edir. Mərkəzi Balakən şəhəridir.
Rayona Balakən şəhəri, Qabaqçöl qəsəbəsi və Yeni Şərif, İtitala, Şərif, Hənifə, Murtuztala, Əyritala,
Roçəhməd, Məlikzadə, Böyüktala, Cincartala, Gülüzənbinə, Göyəmtala, Qazma, Bedağar, Cillik, Öküzovtala,
Şambulbinə, Darvazbinə, Qaysa, Abjit, Katex, Beretbinə, Kortala, Qarahacılı, Biçiqarbinə, Qullar, Acılıqbinə,
Mahamalar, Solban, Qasbinə, Qaracabinə, Meşəşambul, Qazbölük, Gərəkli, Poştbinə, Mazımçay, Çor-Çorbinə,
Püştətala, Mollaçıbinə, Qamıştala, Qaravəlili, Qadaşbinə, Pirgah, Sarıbulaq, Kilsəbuqov, Ağkilsə, Çədərovtala,
Talalar, Hetovlar, Bayrambinə, Tülü, Mazımüstü, Mazımqarışan, Xalatala, Göyrücük, Şambul, İsaqlıgirmə
kəndləri daxildir.
Rayonun relyefi şimal-şərqdə dağlıq, cənub-qərbdə düzənlikdir. Baş Qafqaz silsiləsinin suayırıcında
(Rusiya Federasiyası ilə sərhəd boyunca) Quton (3648 ra), Tinov-Rosso (3385 m) və s. zirvələri var.
Düzənlik hissədə Antropogen, dağlıq hissədə isə Yura və Tabaşir çöküntüləri yayılmışdır. Polimetal və gil
yataqları var. İqlimi mülayim isti və yarımrütubətli