heyvandarlıq təşkil edir. "Beyləqan-Pambıq" və "Beyləqan-Taxıl"
ASC-ləri, "Ənvər-Bərəkət" MMC, Yol İstehsalat İdarəsi, subartezian quyuların istismarı idarəsi, suvarma
qovşağı, poçtamt, rayon paylayıcı elektrik şəbəkəsi, "Aran-Qala" LTD firması, "Büllur" spirtsiz içkilər
müəssisəsi və s. fəaliyyət göstərir.
Kütləvi informasiya vasitələri haqda məlumat
Rayonda kütləvi informasiya vasitələrindən olan yerli televiziya fəaliyyət göstərir.
Hazırda rayonda yerli informasiya vasitəsi kimi «Mil» qəzeti fəaliyyət göstərir. Bu qəzet. 2003-cü ilin
iyulunda təsis edilmişdir.Qəzetin təsisçisi Beyləqan rayon İcra hakimiyyətidir.

Avtomobil, dəmir yolları haqda məlumat
Beyləqan rayonu ərazisindən uzunluğu 37 km olan Bakı-Mincivan dəmir yolu xətti keçir. Dəmir yolu
xəttinin üzərində Beyləqan rayonunun inzibati ərazi bölgüsünə daxil olan Daşburun və Xalac dəmir yolu
stansiyaları yerləşir.
Beyləqan rayonunun ərazisindən ümumi uzunluğu 103 km olan dövlət əhəmiyyətli avtomobil yolları, o
cümlədən 34 km uzunluğunda Mingəçevir-Bəhrəmtəpə-Biləsuvar avtomobil yolu, 37 km uzunluğunda
Bəhrəmtəpə-Həkəri-Mincivan avtomobil yolu, 32 km uzunluğunda isə Yuxarı Qarabağ kanalı-Beyləqan -
Daşburun avtomobil yolu keçir.
Rayonun ərazisindən keçən dövlət əhəmiyyətli yollar üçüncü kateqoriyalı yollardır.
Tarixi və memarlıq abidələri haqda məlumat
Beyləqan rayonunda bir neçə tarixi abidələr mövcuddur. Bunlar Həzrəti Cərgiz Peyğəmbər ziyarətgahı, orta
əsrlər dövrünü əhatə edən qədim Beyləqan şəhər xarabalığı (Örənqala) və Soltanbud təpəsidir.
Həzrəti Cərgiz Peyğəmbər ziyarətgahı XVII-XVIII əsrlərdə tikilmişdir. Hal-hazırda bu ziyarətgah
respublikamızın bütün bölgələrindən, eləcə də Gürcüstandan və Dağıstandan gələn müsəlmanların inam və
səcdə yeridir.
Beyləqan xarabalığı Örənqala tarixi abidəsi rayondan 18 km aralıda yerləşən Kəbirli kəndinin
yaxınlığındadır. Burada qədim Beyləqan şəhəri mövcud olmuşdur. Tarixi məlumatlara görə əsası V əsrdə
qoyulmuş Beyləqan