Beyləqan rayonu
Yaranma tarixi - 24.11.1939
Ərazisi - 1,13 min kv. km
Əhalinin sayı - 99,5 min nəfər (1 yanvar, 2020-cı il)
Əhalinin sıxlığı – 1 kv. km 88 nəfər (1 yanvar 2020-cı il)
Şəhər - 1
Kəndlərin sayı - 25
Qəsəbələrin sayı – 16
Beyləqan rayonu ilə Bakı arasında olan məsafə - 265 km

Ümumi məlumat

Mil düzü rayonları qrupuna daxil olan Beyləqan rayonu 24 noyabr 1939-cu ildə yaranmış və Jdanov rayonu
adlandırılmışdır.
Azərbaycan SSR Ali Sovetinin 19 mart 1989-cu il tarixli qərarı ilə rayonun adı dəyişdirilərək Beyləqan
rayonu adlandırılmışdır. Rayonun ərazisi Azərbaycan Respublikasının Ağcabədi, Zərdab, Füzuli, İmişli
rayonları ilə, habelə İran İslam Respublikası ilə həmsərhəddir. Mərkəzi Beyləqan şəhəridir.
Rayona Beyləqan şəhəri, Şəfəq, Bahar, Milabad, Örənqala, Baharabad, Yuxarı Aran, Mayak, Sarısu
qəsəbələri və Qəhrəmanlı, Araz, Yeni Mil, Günəş, Şərq, Bolsulu, Türklər, Mil, Birinci Şahsevən, Dünyamalılar,
Yuxarı Kəbirli, Əhmədli, Aşıqalılar, Bünyadlı, Gödəklər, Təzəkənd, Kəbirli, Yuxarı Çəmənli, Qaradağlı, İkinci
Şahsevən, Əlinəzərli, Orta Əlinəzərli, Birinci Aşıqlı, İkinci Aşıqlı, Eyvazalılar, Tatalılar, İmamverdili, Vətağa,
Qaralılar, Xaçınabad, Aşağı Çəmənli, Əmirzeyidli, Allahyarlı kəndləri daxildir.
Beyləqan rayonu Mil düzünün cənub-qərbindədir. Ərazisinin şimal-şərq hissəsi okean səviyyəsindən
alçaqdadır. Əsasən, Antropogen çöküntülərindən təşkil olunmuşdur. Faydalı qazıntıları: çınqıl, qum və s. Yayı
quraq keçən mülayim isti yarımsəhra və quru çöl iqlimi üstünlük təşkil edir. Orta temperatur yanvarda 1,8°C,
iyulda 26°C-dir. İllik yağıntı 300 mm-dir. Rayonun şimal-şərq sərhədindən Kür çayı, cənub-şərq sərhədindən
Araz çayı axır. Ərazidə, əsasən, boz və çəmən-boz torpaqlar yayılmışdır. Yovşanlı və yovşanlı-şoranotlu
yarımsəhra bitkiləri geniş sahə tutur. Heyvanları: ceyran, çöldonuzu, canavar, tülkü, boz dovşan və s. Quşları:
turac, qaraqarın bağrıqara, göyərçin və s.
İqtisadiyyatının əsasını bitkiçilik və