Biləsuvar rayonu
Yaranma tarixi - 08.08.1930
Ərazisi - 1,36 min kv. km
Əhalinin sayı – 105,1 min nəfər (1 yanvar, 2020-cı il)
Əhalinin sıxlığı – 1 kv. km 77 nəfər (1 yanvar 2020-cı il)
Şəhər - 1
Kəndlərin sayı – 25
Biləsuvar rayonu ilə Bakı arasında olan məsafə - 182 km

Ümumi məlumat

Biləsuvar rayonu (1938-91 illərdə Puşkin rayonu) - Azərbaycan Respublikasında inzibati rayon. Muğan
düzündədir. Cənub-qərbdən İran İslam Respublikası ilə həmsərhəddir. Mərkəzi Biləsuvar şəhəridir. 1963-cü ildə
ərazisi Cəlilabad rayonu ilə birləşdirilmiş, 1964-cü ildən isə yenidən müstəqil rayon olmuşdur. SSRİ dövləti
dağıldıqdan sonra 1991-ci ildən onun tarixi adı özünə qaytarılaraq Biləsuvar adlandırılmışdır.
Ərazisi şimaldan İmişli rayonu ilə 53 km, şimal-qərbdən Saatlı rayonu ilə 23 km, Sabirabad rayonu ilə 20
km, şərqdən Salyan rayonu ilə 23 km, Neftçala rayonu ilə 4 km, cənubdan Cəlilabad rayonu ilə 54 km, qərbdən
isə İran İslam Respublikası ilə 64 km məsafədə həmsərhəd olmaqla, ümumi sərhəd dairəsinin uzunluğu 241 km-
dir.
Biləsuvar beynəlxalq gömrük keçid məntəqəsi rayon ərazisində yerləşir. Rayonun ərazisi 1358 kvadrat
kilometrdir.
Rayona Biləsuvar şəhəri və Ağalıkənd, Ovçubərə, Yuxarı Ağalı, Əmənkənd, Yuxarı Cürəli, Təzəkənd,
Əsgərabad, Aşağı Cürəli, Muğan, Çaylı, Nəsimi, Nərimankənd, Səmədabad, Arazbarı, İsmətli, Ağayrı, Günəşli,
Çinarlı, Aranlı, Bağbanlar, Zəhmətabad, Xırmandalı, Əliabad, Dərvişli, Bəydili kəndləri daxildir.
Relyefi düzənlikdir. Ərazisinin çox hissəsi okean səviyyəsindən aşağıdadır. Antropogen çöküntüləri
yayılmışdır. Yayı quraq keçən mülayim isti yarımsəhra və quru çöl iqlimi var. Orta temperatur yanvarda 2,4°C,
iyulda 26°C-dir. İllik yağıntı 321 mm-dir. Şabalıdı, açıq şabalıdı, boz-çəmən, allüvial-çəmən, şoran torpaqlar
yayılmışdır. Bitki örtüyü səhra və yarımsəhra tiplidir. Heyvanları: ceyran, Kiçik Asiya qumsiçanı,
qırmızıquyruq siçan və s.
Biləsuvar rayonu Azərbaycan Respublikasının zəngin tarixi keçmişi