ərazisindən keçən hissəsi çəkilib.
18 avqust 1993-cü il tarixdə erməni işğalçıları şəhəri mühasirəyə almışdı. Cəbrayıl fədailərinin və Zəngilan
rayonundan köməyə gələn özünümüdafiə qüvvələrinin şiddətli müqavimətinə baxmayaraq Cəbrayıl şəhəri 1993-
cü il 23 avqust tarixində Ermənistan tərəfindən işğal olunmuşdu. Birinci Qarabağ müharibəsi gedişində Cəbrayıl
rayonu ümumilikdə 400 nəfərə yaxın şəhid vermişdir.
1994-cü il Horadiz əməliyyatı zamanı şəhər mərkəzinə və Xudafərin körpüsü istiqamətində milli ordu
irəliləsə də, Cəbrayılın yalnız Cocuq Mərcanlı kəndi azad olundu. 2 aprel 2016-cı ilin aprelində Cocuq Mərcanlı
kəndində yerləşən Lələ təpə yüksəkliyi dördgünlük müharibə zamanı Azərbaycan Ordusu tərəfindən işğaldan
azad edilib.
Ermənistan silahlı qüvvələri tərəfindən işğal edilmiş torpaqların azad edilməsi uğrunda Azərbaycan
ordusunun 2020-ci il sentyabrın 27-dən etibarən keçirdiyi hərbi əməliyyatlar nəticəsində Cəbrayıl
şəhəri və rayonun 90 kəndi işğaldan azad edilmişdir.
Kütləvi informasiya vasitələri haqda məlumat
Rayonda «Xudafərin» qəzeti nəşr olunurdu.
Avtomobil, dəmir yolları haqda məlumat
Rayon ərazisindən Bakı-Naxçıvan dəmir yolu (52 km), Əli-Bayramlı - Zəngilan avtomobil yolları (60 km)
keçir.
Tarixi və memarlıq abidələri haqda məlumat
Cəbrayıl rayonu tarixi memarlıq və dini abidələrlə zəngindir. Tarixi memarlıq abidələrinə Cəbrayıl
şəhərindəki Sultan Məcid hamanını, Xudyarlı kəndindəki Dairəvi və səkkizguşəli türbələri (XIX əsr), Şıxlar
kəndində Dairəvi türbəni (XIV əsr), Xudafərin körpülərini (erkən orta əsrlər), Diri Dağındakı Qız qalasını,
Dağtumas kəndindəki Başıkəsik kümbəzi, Gordubaba dağındakı məzarı, dini abidələrə «Hacı Qaraman»,
«Cəbrayıl ata», «Dül-dül», «Mazannənə» ziyarətgahlarını misal göstərmək olar.
Rayon ərazisində qədim arxeoloji abidələr də mövcuddur. Dağtumas kəndi yaxınlığındakı «Divlər sarayı»,
Mahmudlu kəndi yaxınlığındakı «Canqulu» və «Qumtəpə» kurqanları, Tatar kəndi yaxınlığındakı