cənub-qərbdə alçaq dağlıqdır. Şərqdə bəzi
yerlər okean səviyyəsindən aşağıdır. Antropogen, dağlıq hissədə Paleogen və Neogen çöküntüləri yayılmışdır.
Yayı quraq keçən mülayim isti iqlimə malikdir. Orta temperatur yanvarda 1-3°C, iyulda 25-30°C-dir. İllik
yağıntı 400-600 mm-dir. Çayları müvəqqəti axarlıdır. Allüvial-çəmən, şabalıdı, qəhvəyi dağ-meşə və s. torpaqlar
yayılmışdır. Yarımsəhra, çöl, dağ-kserofit bitkiləri inkişaf etmişdir. Meşələr var. Heyvanları: çöldonuzu,
süleysin, qum siçanı, canavar, tülkü və s. Quş (bəzgək, dovdaq və s.) qışlaqları var.
İqtisadiyyatında üzümçülük, taxılçılıq və heyvandarlıq mühüm yer tutur. Sənaye müəssisələrinin çoxu
Cəlilabad şəhərindədir.
Cəlilabad rayonu Azərbaycanın qədim yaşayış məskənlərindəndir. Rayon ərazisində mövcud olmuş
Həməşərə şəhəri eradan əvvəlki II minilliyə aiddir. Qədim mənbələrdə şəhərin 3 metr hündürlüyündə möhtəşəm
qala ilə əhatə olunduğu göstərilmişdir. Ərəblərin Azərbaycan hücumundan sonra Həməşərə şəhəri dağılmış və
sonrakı dövrlərdə Hasıllı şəhəri məşhurlaşmışdır. XIX əsrin 30-cu illərində rusların Azərbaycana köçürülməsi
nəticəsində azərbaycanlılarla rusların birgə məskunlaşdığı Astraxanbazar şəhəri əyalətin mərkəzinə çevrilmişdir.
Kütləvi informasiya vasitələri haqda məlumat
Rayonda televiziya ötürücü stansiyası və yerli radio fəaliyyət göstərir.
Rayon İcra Hakimiyyətinin orqanı olan «Yeni gün» qəzeti 1932-ci ildən çıxır.
Jurnalist kollektivinin təsisçiliyi ilə 2003-cü ildən «Sözün işığı» və 2004-cü ildən «Münasibət» qəzetləri
nəşr olunur.
Avtomobil, dəmir yolları haqda məlumat
III kateqoriyalı Bakı - Astara şosesinin uzunluğu 210 km, dəmir yolu xəttinin uzunluğu isə 235 km-dir.
Tarixi və memarlıq abidələri haqda məlumat
Rayonda 50 tarixi-arxeoloji abidə mövcuddur. Onlardan eneolit dövrünə aid Əlikömtəpə və Mişarçay
yaşayış yerləri, eramızdan əvvəl IV minilliyə aid Qurudərə yaşayış yeri, tunc dövrünə aid Yedditəpə kurqanları,
eramızdan əvvəl III minilliyə aid