dağ meşələrindən (palıd, fıstıq, vələs və s.), kollu və seyrək
meşəli çəmənlərdən ibarətdir. Heyvanları: qayakeçisi, cüyür, meşə dələsi və s. Quşları: kəklik, ular, tetra quşu,
göyərçin və s.
Rayonda heyvandarlıq və kartofçuluq üstünlük təşkil edir.
Daşkəsən rayonu mühüm mədən-filiz sənayesi rayonlarındandır. Dəmir filizi (Daşkəsən dəmir və kobalt
yatağı), alunit (Zəylik), mərmər və s. çıxarılır. Rayonda "Daşkəsən Filizsaflaşdırma" ASC, "Alunit" İstehsalat
sahəsi, "Mərmər karxanası" MMC var.
Daşkəsən dağları uzun illər yaylaq yeri kimi istifadə edilib. Cənub Qafqazın ən gözəl yaylaqlarından biri
Daşkəsəndə, xüsusilə Xoşbulaqdadır. Xoşbulaq yaylağına Daş dövrünün insanları gəlib müxtəlif sahələrdə,
əsasən ovçuluqla məşğul olublar. E. ə. III minillikdə maldar əhali Xoşbulaq yaylağına qalxıblar, o zamandan bu
ənənə davam etməkdədir.
Daşkəsən yaylaqları dəniz səviyyəsindən 2 min metr yüksəkdə olduğu üçün bura bir çox maldar tayfalar
köçüb və onlar müxtəlif ətraf hücumlardan qorunmaq üçün siklop tipli qalaçalar tikib. Elə həmin tarixdən də
Daşkəsən rayonu ərazisindən daimi yaşayış məskəni kimi istifadə edilib.
Daşkəsən qədim yaşayış məskənlərində 1959-1960-cı illərdə aparılan arxeoloji qazıntılar zamanı tapılan
sayı-hesabı bilinməyən kurqan tipli dəfn abidələri göstərir ki, bu ərazilər yaylaq kimi yerli əhali tərəfindən
istifadə edilib. Bu əraziyə isə yay vaxtında, yalnız bir ərazidən - şimal-şərq tərəfdən, Kür çayı vadisindən
gəlmək mümkündür.
İslamiyyətə qədər yerli əhali xristian olub və İslamlaşdırma siyasəti dağlıq ərazidə ləng getdiyi üçün
Daşkəsən dağlarında Alban-Xristian məbədləri də olduqca çoxluq təşkil edir.
Orta əsrlərdə Daşkəsən rayonu ərazisində mədən işi ilə məşğul olunmuşdur.
Kütləvi informasiya vasitələri haqda məlumat
Yerli Radio Verilişləri redaksiyası 1958-ci ildən fəaliyyət göstərir. Rayonda fəaliyyət göstərən digər kütləvi
informasiya vasitəsi 1933-cü ildə Daşkəsən rayon Partiya Komitəsinin orqanı kimi