Daşkəsən rayonu
Yaranma tarixi - 08.08.1930
Ərazisi - 1,05 min kv. km
Əhalinin sayı – 35,4 min nəfər (1 yanvar, 2020-cı il)
Əhalinin sıxlığı - 1 kv. km 34 nəfər (1 yanvar 2020-cı il)
Şəhər - 1
Kəndlərin sayı - 43
Qəsəbələrin sayı – 5
Daşkəsən rayonu ilə Bakı arasında olan məsafə - 397 km

Ümumi məlumat

Daşkəsən rayonu (1956-cı ilədək Dəstəfur rayonu) - Azərbaycan SSR-də inzibati rayon 1930-cu ildə təşkil
edilmişdir. 1963-cü ildə ləğv edilərək ərazisi Göygöl rayonuna verilmiş, 1965-ci ildə isə yenidən bərpa
olunmuşdur. Cənub-qərbdə Ermənistan Respublikası ilə həmsərhəddir. Mərkəzi Daşkəsən şəhəridir.
Rayona Daşkəsən şəhəri, Alunitdağ, Yuxarı Daşkəsən, Daşkəsən, Quşçu qəsəbələri və Aşağı Daşkəsən,
Çıraqlı, Zinzahal, Almalı, Kollu, Yolqullar, Suqovuşan, Dəstəfur, Qıyıqlı, Şahvələdli, Qaraqullar, Qaratağlar,
Alaxançallı, Şahkərəm, Zağalı, Xoşbulaq, Qazaxyolçular, Əhmədli, Dardərə, Mollahəsənli, Qabaqtəpə, Rəsullu,
Pirverdilər, Təzəkənd, Güneykənd, Tapan, Astaf, Gəlinqaya, Dəvrallı, Əmirvar, Qazaxlı, Əmirvar-Əhmədli,
Gurbulaq, Zəylik, Quytul, Çovdar, Çaykənd, Quşçu, Bayan, Çanaqçı, Zivlan, Muşavaq, Kəmərqaya, Quşçu
Körpüsü kəndləri daxildir.
Daşkəsən rayonu Kiçik Qafqazda, Murovdağ və Şahdağ silsilələrinin şimal yamacları və Başkənd-Dəstəfur
çökəkliyindədir. Ən hünd. zirvələri: Hinaldağ (3367 m), Qoşqar d. (3361 m) və s. Səthi kanyonvari dərələrlə
kəsilmişdir. Yura və Tabaşir çöküntüləri yayılmışdır. Faydalı qazıntıları: dəmir filizi, kobalt, alunit, qızıl,
mərmər və s. Mineral bulaqları var. İqlimi orta dağlıq zonada qışı quraq keçən mülayim isti, yüksək dağlıqda
soyuq və rütubətlidir. Yayı nisbətən sərin keçir. Orta temperatur yanvarda -12°C-dən -2°C-yədək, iyulda 6-
18°C-dir. İllik yağıntı 500-900 mm-dir. Çayları (Qoşqar, Şəmkir, Gəncə) Kür hövzəsinə aiddir. Qoşqar çayı
üzərində su anbarı yaradılmışdır. Əsasən, çimli dağ-çəmən və qəhvəyi dağ-meşə torpaqları yayılmışdır. Bitki
örtüyü alp və subalp çəmənlərindən, enliyarpaqlı