i tərəfindən Gədəbəy rayonu ərazisində arxeoloji qazıntı işləri aparılmışdır.
Arxeoloji qazıntının nəticələri Almaniyanın "Folker Şpis" elmi nəşriyyatı tərəfindən "Qalakənd" adlı elmi əsər
şəklində Berlində çap edilmişdir. Əsər Berlin Dövlət muzeyində saxlanılır.
Kütləvi informasiya vasitələri haqda məlumat
Rayonda Gədəbəy Rayon İcra hakimiyyətinin orqanı olan “Tərəqqi” qəzeti 1930-cu ildən çıxır. 1965-ci
ilədək qəzet “Qızıl Gədəbəy”, “Sosializm qələbəsi”, “Ulduz” adları ilə çıxmışdır. 1930-cu ildən 1991-ci ilədək
qəzet Azərbaycan KP Gədəbəy Rayon Komitəsinin və Rayon Xalq Deputatları Sovetinin orqanı olmuşdur.
Hazırda ayda bir dəfə nəşr olunur.
Rayonun bütün ərazisində televiziya verilişləri yayımlanır.
Avtomobil, dəmir yolları haqda məlumat
Rayonda nəqliyyat avtomobil yolları vasitəsilə həyata keçirilir. Avtomobil yollarının ümumi uzunluğu 380
km-dir. Rayonun daxili yollarının III kateqoriyalı 97 km-i respublika əhəmiyyətli, 283 km-i isə yerli
əhəmiyyətlidir.
Tarixi və memarlıq abidələri haqda məlumat
Rayon ərazisində 1 dünya əhəmiyyətli, 79 ölkə əhəmiyyətli arxeoloji abidə və 18 memarlıq abidəsi qorunur.
Memarlıq abidələrindən Söyüdlü kəndində (Şəmkir çayı üzərində) “Qız qalası” (“Namərdqala”, IX əsr),
“Mahrasa” (məbəd), Qalakənd kəndində qala (“Koroğlu” qalası, XVI əsr), Böyük Qaramurad kəndində məbəd
(XVII əsr) tarixi memarlıq abidələri daha məşhurdur.
Son dövrlərdə rayonun ərazisində olan tarixi və memarlıq abidələrinin təmiri və bərpası istiqamətində
müəyyən işlər görülmüşdür.
Rayon mərkəzində ümummilli lider Heydər Əliyevin abidəsi