Əlirzalı kəndləri daxildir.
Səthi şimal-şərqdə düzənlik, cənub-qərbdə isə dağlıqdır, ayrı-ayrı yerlərdə qobu və dərələrlə kəsilmişdir.
Dağlıq sahədə Paleogen və Neogen, düzənlikdə isə Antropogen çöküntüləri yayılmışdır. Faydalı qazıntıları:
neft, əhəngdaşı və gil. Dünyada yeganə müalicəvi neft yatağı (Naftalan) buradadır. İqlimi mülayim isti və quru
subtropikdir. Orta temperatur yanvarda - l,5°C-dən - l°C-yədək, iyulda 22°C-dən 26,5°C-yədəkdir. İllik yağıntı
300-600 mm-dir. Çayları (Kürək, Goran, Korçay) Kür hövzəsinə aiddir. Şabalıdı, dağ boz-qəhvəyi torpaqları
var. Əsas bitki örtüyü yovşanlı və yovşanlı-şoranotulu yarımsəhra tiplidir. Meşəliklər var. Heyvanları: canavar,
tülkü, boz dovşan, çölsiçanı və s. Quşları: turac, bəzgək, dovdaq və s. Korçay yasaqlığının bir hissəsi rayonun
ərazisindədir.
İqtisadiyyatında pambıqçılıq, taxılçılıq, heyvandarlıq, meyvəçilik, üzümçülük, tərəvəzçilik və bostançılıq
əsas yer tutur. Boya fabriki, məişət avadanlıqları zavodu, günəbaxan yağı emalı zavodu və s. sənaye
müəssisələri var.
«Goranboy» sözünü alimlər müxtəlif cür izah edirlər. Həqiqətə yaxın olan isə «Goranboy» sözünün
Strabonun 17 kitabdan ibarət «Coğrafiya» əsərində göstərilən müxtəlif dilli 26 tayfadan biri olan «gel», «ger» tayfasının adı ilə bağlanmışdır. Yəni Goranın (Gelan, Geran) gel, ger tayfasının yaşadığı, məskunlaşdığı yer,
ərazi mənasında işlədiyini bildirirlər.
Rayonun qədim tarixə malik olduğunu, burada e.ə. yaşayışın mövcudluğunu e.ə. II minilliyin ikinci yarısı - I
minilliyin əvvəlinə aid olan Səfikürd, Borsunlu, tunc və dəmir dövrünə aid edilən Osmantəpə kurqanlarında, e.ə.
VI-VII əsrlərə aid Goran adlı qədim yaşayış yerlərində aparılan arxeoloji qazıntılar zamanı tapılan maddi
mədəniyyət nümunələri sübut edir. Goranboyun kənd tipli yaşayış yerləri ilk orta əsr (V-VII) və orta əsrlərə
(VIII-XIII) aiddir. İlk orta əsr (V-VII) kənd tipli yaşayış yerlərinə Saxsılı təpə, Qoş təpə, orta əsr yaşayış
yerlərinə isə 1-ci və