d təsərrüfatına yararlı torpaqlar 44171 hektardır, bundan 24403 hektarı suvarılan torpaqlardır. Kənd
təsərrüfatına yararlı torpaqların 23478 hektarı əkin, 4700 hektarı bağ, 16686 hektarı örüş torpaqlarıdır. Rayon
ərazisindən torpaqların 28078 hektarı xüsusi mülkiyyətdə, 35397 hektarı bələdiyyə mülkiyyətində, 4777 hektarı
isə dövlət mülkiyyətindədir.
Göyçay rayonu 1970-80-ci illərdə daha sürətlə inkişaf etmiş, üzümçülük, baramaçılıq, heyvandarlıq və
meyvəçilik sahəsində yüksək nəticələr əldə etmişdir.
Həmin illərdə rayonda nar emalı zavodu, pambıq əyrici fabriki, süd zavodu, çörək zavodu, üzüm emalı
müəssisəsi tikilib istifadəyə verilmiş, iki tikinti tresti və dörd tikinti-quraşdırma idarəsi yaradılmışdır.
Göyçay torpağı respublikanın tarixinə tanınmış ictimai xadimlər, yazıçı-sənətkarlar və incəsənət işçiləri
bəxş etmişdir.
Həbibi, Qantəmir, Rəsul Rza, Əli Kərim, Ənvər Məmmədxanlı, İsgəndər Coşqun, Anar Rzayev, Əli
Səmədli, İbrahim Göyçaylı kimi yazıçı və şairlərimiz belə adamlardandır.
Göyçay rayonunda onlarla elmlər doktoru, professor, elmlər namizədi, alim yetişmişdir.
Göyçay rayonunda Azərbaycan xalqının tarixi keçmişini əks etdirən bir sıra abidələr vardır.
Bunlardan rayonun Ərəb Cəbirli kəndi ərazisində XII-XIV əsrdə inşa edilmiş Ərəb xilafəti dövrünə aid
«Surxay» qalasını, İncə və Ərəbcəbirli kəndi ərazisində tapılmış bizim e. ə. II əsrə aid küp qəbirlərinin
qalıqlarını, XIX əsrin axırlarında inşa edilmiş yer hamamını və 4 məscidi göstərmək olar.
Azərbaycan Respublikasının ərazi bütövlüyü uğrunda gedən döyüşlərdə göyçaylılar yaxından iştirak
etmişlər.
Ermənistan silahlı birləşmələrinə qarşı döyüşlərdə göyçaylılar 163 şəhid vermiş, 44 nəfər itkin düşmüş, 106
nəfər şikəst olmuşdur.
Azərbaycan xalqının ümummilli lideri Heydər Əliyev cənabları Azərbaycan KP MK-nın birinci katibi
işlədiyi müddətdə 3 dəfə Göyçay rayonunda olmuş, hər gəlişi zamanı rayon üçün qlobal problemlərin həllinə
dair müvafiq tapşırıqlar vermiş və