Göygöl rayonu
(keçmiş Xanlar rayonu)
Yaranma tarixi - 08.08.1930
Ərazisi - 0,92 min kv. km
Əhalinin sayı – 64,6 min nəfər (1 yanvar, 2020-cı il)
Əhalinin sıxlığı – 1 kv. km 70 nəfər (1 yanvar 2020-cı il)
Şəhər - 1
Kəndlərin sayı - 38
Qəsəbələrin sayı – 6
Göygöl rayonu ilə Bakı arasında olan məsafə - 364 km

Ümumi məlumat

Göygöl rayonu 8 avqust 1930-cu ildə təşkil olunmuş və ilk dəfə Nərimanov rayonu adlandırılmışdır.
Rayonun mərkəzi Göygöl şəhərinin əsası qədim Xanlıqlar kəndinin xarabalıqları yerində 22 avqust 1819-cu
ildə alman kolonistləri tərəfindən qoyularaq «Yelenendorf» adlandırılmışdır. 1938-ci ildə Nərimanov rayonu
Göygöl rayonu, rayonun mərkəzi «Yelenendorf» isə Xanlar şəhəri adlandırılmışdır. 08 may 2008-ci il tarixindən
etibarən Xanlar rayonunun adı dəyişdirilərək Göygöl adlandırılmışdır. Göygöl rayonu Kiçik Qafqazın şimal-
şərq yamacındadır. Mərkəzi Göygöl şəhəridir.
Rayona Xanlar şəhəri, Xanlar, Qızılqaya, Hacıməlik, Firuzabad, Aşağı Zurnabad qəsəbələri və Aşıqlı,
Köşkü, Sarısu, Qarabulaq, Çaylı, Pənahlılar, Dozular, Xəqani, Balçılı, Nadil, Qırıqlı, Cümşüdlü, Haçaqaya,
Sərkar, Qızılca, Danayeri, Yalqışlaq, Tülallar, Çaykənd, Yeni Zod, Göyçəkənd, Mixaylovka, Toğana, Əzgilli,
Quşqara, Üçtəpə, Səmədli, Bəhrəmbağ, Əlmədədli, Topalhəsənli, Şəhriyar, Kərəmli, Üçbulaq, Quşçu,
Mollacəlilli, Zurnabad, Gəncə, Yeni Qızılca, Qızılca stansiyası, Ağsu, Xasobağı kəndləri daxildir.
Rayonun şimal hissəsi Gəncə-Qazax düzənliyindədir. Ərazisinin ən yüksək nöqtəsi Murovdağ silsiləsində
Gamış dağıdır (3724 m). Yura, Tabaşir, Neogen, Antropogen çöküntüləri yayılmışdır. Faydalı qazıntıları:
kükürd kolçedanı, bentonit, kvarsit və s. İqlimi mülayim isti, cənubda soyuqdur. Qışı quraq keçir. Orta
temperatur yanvarda -10°C-dən l°C-yədək, iyulda 10-25°C-dir. İllik yağıntı 250-900 mm-dir. Çayları (Gəncə,
Qoşqar, Kürəkçay və s.) Kür hövzəsinə aiddir. Kəpəz dağı, Göygöl, Maralgöl, Zəligöl, Aynagöl və s. rayonun
ərazisindədir. Şabalıdı,