dağ-tünd şabalıdı, çimli dağçəmən və s. torpaqlar yayılmışdır. Bitki örtüyü şimalda
yarımsəhra tiplidir. Cənubda, dağlıq sahələrdə dağ çölləri, fıstıq meşələri, subalp və alp çəmənləri var.
Heyvanları: ayı, vaşaq, qumsiçanı, ilan və s. Göygöl qoruğu Xanlar rayonu ərazisindədir.
Rayonun iqtisadiyyatında üzümçülük və heyvandarlıq mühüm yer tutur. Mədən sənayesi, çınqıl zavodları,
istehsalat və məişət xidməti kombinatları, şərab zavodu və s. sənaye müəssisələri var.
Kütləvi informasiya vasitələri haqda məlumat
Rayonda «Göy-göl» qəzeti redaksiyası, regional informasiya mərkəzi yerləşir.
Avtomobil, dəmir yolları haqda məlumat
Rayonun ərazisindən Gəncə-Kəlbəcər, Gəncə-Daşkəsən magistral avtomobil yolları, Böyük İpək yolu keçir.
Rayon mərkəzindən 15 km məsafədə Gəncə dəmir yolu stansiyası, 12 km məsafədə isə Gəncə hava limanı
yerləşir.

Tarixi və memarlıq abidələri haqda məlumat

Rayon ərazisində 30 yerli əhəmiyyətli tarixi və memarlıq incəsənət abidələri vardır. Bunlardan 8-i kurqan,
Nekropol və Açıq düşərgədir. Digərləri isə qədimdə tikilmiş bina və körpüləridir.
Göygöl şəhərində 1854-cü ildə tikilmiş «Lüteran» adlanan alman kilsəsi, XVI əsrə aid iki gözlü körpü,
1896-cı ildə tikilmiş üç gözlü körpü, XII əsrə aid Ağ körpü, XIX əsrdə almanlar tərəfindən tikilmiş 9 memarlıq
incəsənət abidələri, Zuranbad kəndində XII əsrə aid Qala, keçmiş Sarıqaya kəndində XVI əsrə aid Türbə,
Dozular kəndində XVI əsrə aid bir gözlü körpü, Topalhəsənli kəndində tarixi məlum olmayan iki tağlı daş
körpü, Şəhriyar kəndində 1674-cü ildə tikilmiş Qabriyel kilsəsi, Çaykənd kəndində tarixi məlum olmayan
Anahid məbədi və Müqəddəs Məryəm kilsəsi, Yeni-Zod kəndindən 300 m məsafədə Alban kilsəsi, 3 km
məsafədə Alban məbədi, Üçbulaq və Balçılı kəndlərinin ərazisində tarixi məlum olmayan «Qız-qalası», Köşkü
kəndində dəmir dövrünə aid kurqan, Quşqara və Balçılı kəndlərinin ərazisində Tunc dövrünün axırı, Dəmir
dövrünün əvvəlinə aid qəbirlər vardır.
Son dövrlərdə