Hacıqabul rayonu
Yaranma tarixi - 24.04.1990
Ərazisi - 1,60 min kv. km
Əhalinin sayı - 76,6 min nəfər (1 yanvar, 2020-ci il)
Əhalinin sıxlığı – 1 kv. km 48 nəfər (1 yanvar 2020-ci il)
Şəhər - 1
Kəndlərin sayı - 25
Qəsəbələrin sayı – 5
Hacıqabul rayonu ilə Bakı arasında olan məsafə - 113 km

Ümumi məlumat
Hacıqabul rayonu 1990-cı ildə Qazıməmməd rayonunun ərazisində yaradılmışdır.
Qazıməmməd rayonu 24 yanvar 1939-cu ildə yaradılmışdır. 4 dekabr 1959-cu ildə ləğv edilib Əli Bayramlı
rayonuna verilmişdir.
Hacıqabul rayonu Şirvan düzündə, Kür çayının sol sahilində yerləşir. Ağsu, Kürdəmir, Şamaxı, Qobustan,
Abşeron, Salyan, Sabirabad rayonları və Şirvan şəhəri ilə həmsərhəddir. Mərkəzi Hacıqabul şəhəridir.
Rayona Hacıqabul şəhəri, Balıqçı, Muğan, Padar, Navahı, Pirsaat qəsəbələri və Qarasu, Abdulyan, Kolanı,
Talış, Atbulaq, Qızılburun, Navahı, Rəncbər, Qubalıbaloğlan, Pirsaatçay, Birinci Udullu, İkinci Udullu, Qubalı,
Tağılı, Birinci Paşalı, İkinci Paşalı, Şorbaçı, Ağacanlı, Bürvənd, Ələtli, Axtaçı-Şirvan, Birinci Meyniman, İkinci
Meyniman, Meyniman, Kürdçü kəndləri daxildir.
Şirvan düzənliyinin və Böyük Hərmi silsiləsinin cənub-şərq hissəsini əhatə edir. Ərazisinin ovalıq hissəsi
dəniz səviyyəsindən aşağıda yerləşir. Neogen və Antropogen çöküntüləri yayılmışdır. Palçıq vulkanları var.
Faydalı qazıntıları: neft, qaz, gil, gəc. Yayı quraq keçən mülayim isti yarımsəhra və quru çöl iqliminə malikdir.
Orta temperatur yanvarda 2°C, iyulda 26°C-dir. İllik yağıntı 250-370 mm-dir. Ərazidən Kür və Pirsaat çayları
axır. Hacıqabul gölü rayonun ərazisindədir. Boz-qonur, boz-çəmən, şoran torpaqlar yayılmışdır. Bitki örtüyü
yarım-səhra tiplidir. Ceyran, qırmızıquyruq qumsiçanı, gürzə, turac, göyərçin və s. məskunlaşmışdır.
Rayonun iqtisadiyyatının əsasmı kənd təsərrüfatı təşkil edir. Taxılçılıq, pambıqçılıq, tərəvəzçilik,
bostançılıq və heyvandarlıq inkişaf etmişdir. Quşçuluq SC, Qubanın SAF şirkətinin filialı, Kür Su Kəmərləri
İstehsalat