Qusarçay, Palçıqoba, Çinartala, Manafoba, Ağaşirinoba, Qıraqlı, Həsənqala, Ağaverdi-oba, Balaqusarqışlaq,
Pirquluoba, Qoçaqqazma, Hacıməmmədoba, Yeni-Sudur, Həbibkənd, Nabran, Tel, Köhnə Xudat, Seyidlər,
Digahoba, İdrisoba, Fərzəlioba, Xuray, Aşağıoba, Aslanoba, Niyazoba, Böyük İlxıçı, Kiçik İlxıçı, Sərkarlı,
Suxtaqala-qışlaq, Ağyazıbuduq, Qaraçaycək, Qaracıq-Zeyd, Seyidlikənd-yeri, Palıdlı kəndləri daxildir.
Xaçmaz rayonu Samur-Dəvəçi ovalığında yerləşir. Səthi hamar və sahilyanı sahədə okean səviyyəsindən 28
m-ədək aşağıdır. Antropogen çöküntüləri yayılmışdır. Faydalı qazıntıları: çınqıl, qum və s. Yayı quraq keçən
mülayim isti yarımsəhra və quru çöl iqliminə malikdir. Orta temperatur yanvarda 1-2°C, iyulda 23-24°C-dir.
İllik yağıntı 300-400 mm-dir. Çayları (Samur, Qusar, Qudyal, Qaraçay, Vəlvələ) Xəzər hövzəsinə aiddir.
Rayonun qərbindən Samur-Abşeron kanalı keçir. Torpaqları çəmən-meşə, şabalıdı və açıq-şabalıdıdır. Çəmən
və kolluqlar yayılmışdır. Düzənlik meşələri var. Çöl-donuzu, yenot, qırqovul, kəklik və s. məskunlaşmışdır.
Sahil suları balıqla (külmə, kilkə, şamayı və s.) zəngindir.

Xaçmaz, əsasən, kənd təsərrüfatı rayonudur. İqtisadiyyatında tərəvəzçilik, meyvəçilik, taxılçılıq və
heyvandarlıq mühüm yer tutur. Konserv zavodu, ilkin üzüm emalı zavodları, çörək kombinatı, qida məhsulları
kombinatı, yem istehsalı zavodu, kondensator zavodu və s. fəaliyyət göstərir.
Rayon ərazisində Sərkərtəpə, Dəyirmantapə, Canaxır, Xaspoladoba kurqanları, XV əsrə aid Şıxlar kəndində
Şeyx Yusif məscidi və türbəsi, XV-XVI əsrə aid Qaraqurdlu kəndində Şah Abbas məscid-mədrəsəsi
mövcuddur. Niyazabad limanı XVI əsrdən Azərbaycanın qonşu ölkələrlə əlaqələrin yaradılmasında mühüm rol
oynamışdır.
Kütləvi informasiya vasitələri haqda məlumat
Rayonda «Xaçmaz» teleradio verilişləri şirkəti 1994-cü ildən fəaliyyət göstərir.
Xaçmazda 1932-ci ildən fəaliyyətdə olan «Dostluq» qəzeti son illərin iqtisadi çətinlikləri nəticəsində
fəaliyyətini