Xızı rayonu
Yaranma tarixi – 24.04.1990
Ərazisi - 1,67 min kv. km
Əhalinin sayı - 17,1 min nəfər (1 yanvar, 2020-cı il)
Əhalinin sıxlığı – 1 kv. km 10 nəfər (1 yanvar 2020-cı il)
Şəhər – 1
Kəndlərin sayı - 25
Qəsəbələrin sayı – 3
Xızı rayonu ilə Bakı arasında olan məsafə - 104 km

Ümumi məlumat

Xızı rayonu 1928-ci ilə kimi Bakı sovetinin tərkibində olmuş sonra müstəqil rayon kimi fəaliyyətə
başlamışdır. Rayonun 72 kəndi, 24 minə yaxın əhalisi olmuşdur. Sonradan rayonlaşmalarla əlaqədar 1940-cı
illərdə Siyəzən rayonu təşkil olunanda rayonun Giləzi, Ağ Siyəzən, Zərgərli və s. sovetlikləri Siyəzən
rayonunun tərkibinə daxil olmuşdur. Həmin dövrdən 60 kənd, 53 kolxoz, 14 sovetlik olmuşdur. Əhalisi isə
14647 nəfər idi. Rayon 1956-cı ilə qədər fəaliyyət göstərib. 1956-cı ilin axırında Sumqayıta birləşib. 1963-cü
ildə Abşeron rayonu təşkil olunub. Xızı zonası həmin rayonun tərkibinə daxil edilib.
1990-cı ilin avqustunda Xızı rayonu yenidən bərpa olundu. Mərkəz Xızı qəsəbəsində yerləşir. Hal-hazırda
mövcud olan kəndlərin sayı 24-dür. 12 nümayəndəlik, 13 bələdiyyə fəaliyyət göstərir. Xızı rayonu Böyük
Qafqazın şimal-şərq yamacında, Samur-Dəvəçi düzənliyindədir. Şərqdə Xəzər dənizi ilə əhatələnmişdir.
Rayona Xızı, Altıağac, Giləzi, Şurabad, Yaşma, qəsəbələri və Sitalçay, Yeni Yaşma, Safbulaq, Yarımca,
Qızılqazma, Məşədi Həsən, Türkoba, Ağdərə, Tudar, Baxışlı, Bəyəhmədyurd, Güney-qışlaq, Vərdağ,
Qarabulaq, Dizəvər, Qasımkənd, Əmbizlər, Yuxarı Əngilan, Tıxlı, Əngilan, Təzəkənd, Qars, Fındığan, Xələnc
kəndləri daxildir.
Relyefi alçaq dağlıq və düzənlikdən ibarətdir. Rayonun ən yüksək nöqtəsi Dübrar (2205 m) dağıdır.
Ərazinin Xəzərsahili hissəsi dəniz səviyyəsindən 28 m-ədək aşağıdır. Tabaşir, Paleogen, Neogen və Antropogen
çöküntüləri yayılmışdır. İqlimi düzən yerlərdə mülayim isti, quru subtropikdir. Dağlıq yerlərdə iqlim
mülayimləşir. Orta temperatur yanvarda dağlıq yerlərdə -4,5°C-dən, düzənlikdə 2,5°C-yədək, iyulda isə
müvafiq