Xocalı rayonu
Yaranma tarixi – 26.11.1991
Ərazisi - 1,00 min kv. km
Əhalinin sayı - 28,8 min nəfər (1 yanvar, 2020-ci il)
Əhalinin sıxlığı – 1 kv. km 29 nəfər (1 yanvar 2020-ci il)
Şəhər - 1
Kəndlərin sayı - 50
Qəsəbələrin sayı – 1
Xocalı rayonu ilə Bakı arasında olan məsafə - 375 km
Rayon İcra hakimiyyəti müvəqqəti olaraq Goranboy
rayonunun Ağcakənd qəsəbəsində yerləşir

Ümumi məlumat

Xocalı rayonu 1991-ci il noyabr ayının 26-da Əsgəran rayonunun bazasında yaradılmışdır. Rayonun ərazisi
1991-1992-ci illərdə erməni silahlı qüvvələri tərəfindən işğal edilmişdir. Kiçik Qafqazda, Qarabağ silsiləsinin
şimal-şərq yamacındadır. Mərkəzi Xocalı şəhəridir. Xocalı rayonu 1992-ci ilin 26 fevral tarixindən Ermənistan
tərəfindən işğal olunub. Ermənistan silahlı qüvvələri tərəfindən işğal edilmiş torpaqların azad edilməsi
uğrunda Azərbaycan ordusunun 2020-ci il sentyabrın 27-dən etibarən keçirdiyi hərbi əməliyyatlar
nəticəsində Xocalı rayonunun 9 kəndi işğaldan azad edilmişdir.
Rayona Xocalı şəhəri, Əsgəran qəsəbələri və Xocalı, Cəmilli, Meşəli, Dağyurd, Seyidbəyli, Ballıca,
Xanyurdu, Mehdibəyli, Harov, Dağdağan, Daşbulaq, Qayabaşı, Badara, Xanyeri, Suncinka, Qarabulaq,
Dəmirçilər, Mədədkənd, Baharlı, Qızıloba, Haçmaç, Aşağı Yemişcan, Cəmilli, Kosalar, Başkənd, Cavadlar,
Yalobakənd, Canhəsən, Naxçıvanlı, Pircamal, Aranzəmin, Ağbulaq, Dəhrəz, Təzəbinə, Sərdarkənd, Qışlaq,
Şəlvə, Xanabad, Ağgədik, Aşağı Qılıçbağ, Almalı, Qarakötük, Pirlər, Farux, Daşbaşı, Çanaqçı, Sığnaq,
Şuşikənd, Muxtar, Daşkənd kəndləri daxildir.
Ərazisinin səthi dağlıq, mərkəzi hissədə isə düzənlikdir (Xankəndi çökəkliyi). Ən yüksək nöqtələri Qızqala
(2843 m), Qırxqız (2827 m) dağlarıdır. Ərazidə Yura, Tabaşir, dağarası çökəkliklərdə və dağətəyi düzənliklərdə
Antropogen çöküntüləri yayılmışdır. Faydalı qazıntıları: gil, qum, çınqıl, gillicə, mərmər və s. Yüksək əraziləri
istisna olmaqla iqlimi mülayim istidir. Dağ-meşə, dağ-çəmən torpaqları yayılmışdır. Qarqar,