İmişli rayonu
Yaranma tarixi - 08.08.1930
Ərazisi - 1,89 min kv. km
Əhalinin sayı – 131,4 min nəfər (1 yanvar, 2020-ci il)
Əhalinin sıxlığı – 1 kv. km 70 nəfər (1 yanvar 2020-ci il)
Şəhər - 1
Kəndlərin sayı - 48
Qəsəbələrin sayı – 2
İmişli rayonu ilə Bakı arasında olan məsafə - 230 km

Ümumi məlumat

1938-ci ilədək Qaradonlu rayonu adlandırılan İmişli rayonu Kür-Araz ovalığında Muğan və Mil düzləri
ərazisində yerləşir. Cənubda İran İslam Respublikası ilə həmsərhəddir. Mərkəzi İmişli şəhəridir.
1930-cu ilin avqust ayında Qaradonlu rayonu yaradılmışdır. Hələ Çar Rusiyası dövründə təsis edilmiş olan
Qaradonlu uyezdi (qəzası) əvvəllər Salyan qəzasına, sonralar isə Cavad qəzasına tabe olmuşdur. Qaradonlu
rayonun qədim tarixə malik kəndlərindəndir. Kəndin karvan və ticarət yollarının üstündə, Araz çayı sahilində
yerləşməsi, bol suyu, münbit torpaqları ərazisinin abadlaşdırılmasına, kənd təsərrüfatı istehsalının, xüsusilə də
əkinçiliyin yüksək inkişafına səbəb olmuşdur. Hələ oktyabr inqilabından xeyli əvvəl bu ərazilərdə geniş
meliorasiya işləri aparılmış, irriqasiya qurğuları tikilmiş və suvarılan intensiv əkinçilik təşkil olunmuşdur. 1906-
cı ildə Qaradonluda ilk məktəb fəaliyyətə başlamış, kənddə o dövr üçün nümunəvi sayılan yaşayış evləri,
mehmanxanalar, dəyirmanlar, dükanlar mövcud olmuşdur. Qaradonlu rayonu təşkil edildikdən sonra burada
inzibati binalar, xəstəxana, bir çox digər sosial obyektlər tikilmiş, 1933-cü ildə Qaradonlu Maşın-Traktor
stansiyası yaradılmışdır.
Ələt-Mincivan dəmir yolunun çəkilişi rayon mərkəzinin dəmir yoluna yaxın əraziyə köçürülməsi zərurətini
yaratmış və bu məqsəd üçün İmişli kəndi ilə Qaradonlu dəmir yolu stansiyası arasındakı ərazidə bişmiş
kərpicdən 2 mərtəbəli inzibati bina inşa edilmiş, rayon mərkəzi bu əraziyə köçürülmüş, rayon isə İmişli rayonu
adlandırılmışdır. O zamanlar həmin ərazi meşə və kolluqlarla örtülü olmuş, yeni məskunlaşmış əhali əraziləri
təmizləyərək yeni binalar tikmiş,