küçələr salmışlar. İmişli kəndi rayon mərkəzi kimi sürətlə böyüməyə başlamış,
burada çoxlu inzibati binalar tikilmiş, kəndin görkəmi tamamilə dəyişdirilmişdir.
1944-cü ildə İmişli kəndinə şəhər tipli qəsəbə, 1960-cı ildə isə şəhər statusu verilmişdir. 1959-cu ildə
hazırkı Bəhrəmtəpə ərazisində Araz çayı üzərində o dövr üçün unikal sayılan Bəhrəmtəpə hidroqovşağı inşa
olunmuşdur. Mənbəyini buradan götürən Baş Muğan və Əzizbəyov kanalları təkcə İmişli rayonunu deyil, Saatlı,
Sabirabad və Biləsuvar əkinlərini də su ilə təmin edir. Həmin dövrlərdə qəsəbə ərazisində qum-çınqıl karxanası,
dəmir-beton məmulatları zavodu istifadəyə verilmişdir.
Azərbaycan xalqının ümummilli lideri Heydər Əliyevin respublikaya birinci rəhbərliyi dövründə - 1970 -
1980-ci illərdə respublikanın digər bölgələri kimi İmişli rayonunun, xüsusilə rayon mərkəzinin siması başdan-
başa dəyişmiş, hazırda abad şəhərlərdən birinə çevrilmişdir. Bu dövrdə İmişli rayonu ərazisindəki torpaqlarda
geniş miqyaslı meliorasiya işləri aparılmış, suvarma şəbəkələri yenidən qurulmuş, 10 min hektarlarla yeni
suvarılan torpaqlar istifadəyə verilmiş, kənd təsərrüfatı məhsulları istehsalı sürətlə inkişaf etmişdir.
Rayona İmişli şəhəri, Bəhrəmtəpə, Vətəgə qəsəbələri və Aranlı, Hacırüstəmli, Qızılkənd, Qaradonlu, Çahar,
Gövhərli, Məzrəli, Xubyarlı, Çaxırlı, Soltanmuradlı, Ölcələr, Qaralar, Muradallı, Otuziki, Nurulu, Qulubəyli,
Xəlfəli, Kürdmahmudlu, Hacıalmuradlı, Murğuzallı, Xoşçobanlı, Qaraqaşlı, Mürsəlli, Bəcirəvan, Ağcüyür,
Qarəvəlli, Mirili, Qaralar, Cavadxanlı, Rəsullu, Yalavac, Məhəmmədli, Göbəktala, Şahverdili, Qaragüvəndikli,
Sarxanlı, Boşçallar, Əliqulular, Muradxanlı, Ağamalılar, Oruclu, Cəfərli, Hacımustafalı, Məmmədli,
Əliyetməzli, Telişli, Allahmədətli, Ağaməmmədli, Becar kəndləri daxildir.
Səthi şimal-şərqə doğru alçalan düzənlikdir. Ərazisinin çox hissəsi okean səviyyəsindən aşağıdadır.
Antropogen çöküntüləri yayılmışdır. Faydalı qazıntıları: neft, çınqıl, qum. Yayı