ı quraq keçən mülayim isti,
yarımsəhra və quru çöl iqlimi var. Orta temperatur yanvarda 1,6°C, iyulda 26,l°C-dir. İllik yağıntı 300 mm-dir.
Rayonun şimal sərhədi boyu Kür, mərkəzi hissəsindən Araz çayı axır. Sarısu gölünün çox hissəsi İmişli rayonu
ərazisindədir. Boz-çəmən, qismən boz və çəmən-boz torpaqları yayılmışdır. Əsas bitki örtüyü yarımsəhra
tiplidir (yovşan, şoranotu və s.). Heyvanları: çöldonuzu, canavar, tülkü, boz dovşan, ceyran, qumsiçanı və s.
Quşları: qırqovul, turac, sultan toyuğu, bəzgək, dovdaq və s.
Rayonun iqtisadiyyatının əsasını kənd təsərrüfatı və sənaye təşkil edir. Taxılçılıq, pambıqçılıq,
heyvandarlıq, quşçuluq və s. inkişaf etmişdir. Rayonda Muradxanlı neft-mədən idarəsi, pambıq emalı zavodu,
şəkər zavodu, ət və yağ-pendir kombinatları, "İmişli broyler" MMC, asfalt, dəmir-beton məmulatları və çınqıl
zavodları və s. var.
Kütləvi informasiya vasitələri haqda məlumat
Rayonda ilk qəzet 1932-ci ildə «Qaradonlu kolxozçusu» adı ilə çıxmışdır. 1938-ci ildə rayon mərkəzinin
İmişliyə köçməsi ilə əlaqədar qəzetin adı dəyişdirilmiş və 1962-ci ilədək «İmişli kolxozçusu» adlandırılmışdır.
1962-ci ildə Azərbaycan KP MK-nın qərarı ilə rayon qəzetləri ləğv edilmiş və İmişli, Beyləqan, Füzuli
rayonlarını əhatə edən «Yüksəliş» qəzeti təsis olunmuş, Beyləqanda nəşrə başlamışdır. 1966-cı ildə yenidən
«Qızıl ulduz» adlı yerli qəzet təsis olunmuş, həmin qəzet 1990-cı ildən «Xalq sözü» adı ilə çıxır.
2003-cü ildən İmişli şəhərində Respublika Yazıçılar Birliyinin Aran bölməsi təsis olunmuş və bölmənin
aylıq orqanı olan «Aran» jurnalı nəşr olunur.
Avtomobil, dəmir yolları haqda məlumat
İmişli rayonu ərazisindən keçən dövlət əhəmiyyətli avtomobil yollarının uzunluğu 140 km-dir.
Qazıməmməd-Qaratəpə-Bəhrəmtəpə şosesinin 30 km-i, Ağsu-Kürdəmir-İmişli-Bəhrəmtəpə şosesinin 51 km-i,
Mingəçevir-Bəhrəmtəpə-Biləsuvar şosesinin 26 km-i İmişli rayonu ərazisindən keçir. Bundan əlavə rayon
ərazisindən 10 km uzunluğunda İmişli-Qaradonlu