şosesi və 10 km uzunluğunda İmişli şəhəri ətrafında dolama
yolu mövcuddur. Yerli əhəmiyyətli yolların uzunluğu 185 km-dir. Bu yollara Azərbaycan Respublikası
Nəqliyyat Nazirliyinin 36 saylı Yol İstismar idarəsi xidmət edir.
Rayon ərazisində 44 km uzunluğunda dəmir yolu mövcuddur. Bakı-Mincivan dəmir yolunun 32 km-i İmişli
rayonu ərazisindən keçir. Bundan əlavə 3 dəmir yolu stansiyası, İmişli şəhərində isə dəmir yoluna xidmət edən
Lokomotiv deposu, Vaqon təmiri deposu, 7 saylı rabitə və işarəvermə distansiyası, mülki qurğular distansiyası,
hərbiləşdirilmiş mühafizə dəstəsi fəaliyyət göstərir.
Tarixi və memarlıq abidələri haqda məlumat
İmişli rayonu ərazisi ölkəmizin qədim yaşayış məntəqələrindən hesab olunur. Ərazinin coğrafi-iqlim şəraiti,
münbit torpaqları, geniş otlaqları ta qədimdən bu ərazidə əkinçiliyin və heyvandarlığın inkişafı üçün şərait
yaratmışdır. Ehtimal olunur ki, ərazinin düzəngah relyefi, okean səviyyəsindən aşağı hündürlükdə yerləşməsi,
ərazidə axan Kür və Araz çayının məcrasının tez-tez dəyişməsi burada qədim fundamental tikililərin qorunub
saxlanması üçün şərait yaratmışdır. Buna baxmayaraq V-XV əsrlərə aid tarixi abidələrin qalıqları indi də rayon
ərazisində saxlanmaqdadır.
Ələt-Bəhrəmtəpə şosesinin sağında 1,5 km məsafədə yerləşən Muxur təpə yaşayış yeri XI-XIV əsrlərə aid
edilir. Burada küp qəbirlər mədəniyyətinə aid çoxsaylı qəbirlər, məişət əşyaları aşkar edilmişdir.
Bəhrəmtəpə-Biləsuvar yolunun 17-ci kilometrliyində yerləşən Qalaca qalıqları XII-XIII əsrlərə aid edilir.
Bəhrəmtəpə qəsəbəsindən 2 km şimal-qərbdə yerləşən dəyirman yerli şəhərgahı adlanan tarixi abidə IX-XIII
əsrləri əhatə edir. Rayonun Qızılkənd kəndi ətrafında orta əsrlərə aid edilən Qızıltəpə yaşayış yeri, Yeddi oymaq
kurqanı, Qaradonlu kəndindən 1 km şimal-şərqdə IX-XIII əsrlərə aid yaşayış yeri, Aranlı kəndinin cənubunda
ilk orta əsrlərə aid yaşayış yeri, şimalında isə Abıştəpə adlanan tarixi abidələr mövcuddur.
1981-ci ildə