İsmayıllı, Qəzli, Müdri, Nanıc, Mulux, Dahar, Pirəqanım,
Vaşa, Mədrəsə, Cülyan, Ruşan, Vəng, Sulut, Kələzeyvə, Sərsurə, Qıçatan, Tağlabiyan, Kəlfərəc, Mücü,
Talıstan, Cülyan, Təzəkənd, Birinci Yeniyol, İkinci Yeniyol, Qaraqaya, Gəndov, Köhnədaxar, Qərsələ, Tircan,
Bizlan, Maçaxı, Zərgəran, Topçu, Qurbanəfəndi, Şirvanmeşə, Buynuz, Xankəndi, Kürdüvan, Zeyvə,
Gəraybəyli, Əyyubbəyli, Xəlilli, Keşxurt kəndləri daxildir.
Rayonun relyefi əsasən dağlıqdır. Yer səthinin hündürlüyü Şirvan düzündə təqribən 200 m-dən Baş Qafqaz
silsiləsində 3629 m-ədək (Babadağ) dəyişir. Yura, Tabaşir, Neogen və Antropogen çöküntüləri yayılmışdır. Gil
yatağı, mineral bulaqlar (Diyallı, Qalacıq, Bədo və s.) var. İqlimi düzənlik və dağətəyi hissədə mülayim isti,
yüksək dağlıqda soyuqdur. Orta temperatur yanvarda -6°C-dən (yüksək dağlıqda) 1°C-yədək (düzənlik və
dağətəyi hissədə), iyulda müvafiq olaraq 15°C-dən 25°C-yədəkdir. İllik yağıntı 500-1000 mm-dir. Çayları
(Girdiman, Göyçay, Axox, Əyriçay, Sulut) Kür hövzəsinə aiddir. Şabalıdı və açıq şabalıdı, dağ tünd-şabalıdı,
dağ boz-qəhvəyi, qəhvəyi dağ-meşə, allüvial çəmən-meşə, qonur dağ-meşə, çimli dağ-çəmən torpaqları
yayılmışdır. Yüksək dağlıqda subalp və alp çəmənlikləri, c. hissədə dağ meşələri, kollu və seyrək meşəli çəmənliklər vardır. Heyvanları: nəcib maral, dağkeçisi, köpgər, ayı, meşə pişiyi, canavar, yenot, cüyür,
çöldonuzu və s. Quşları: ular, kəklik, qırqovul və s. İsmayıllı Dövlət qoruğu və yasaqlığı rayonun ərazisindədir.
Rayonun cəmi torpaq fondu 215875 hektar, bundan 22058 hektarı qış, 13555 hektarı yay otlağıdır. Kənd
təsərrüfatının istifadəsində olan torpaqlar 96630 hektar, o cümlədən yararlı sahə 36463 hektardır.
Ərazisinin 66799 hektarı meşə örtüyündən ibarətdir. Rayonda İsmayıllı Dövlət Qoruğu fəaliyyət göstərir.
Rayon ərazisinin bir hissəsi Şahdağ Milli Parkına daxil edilmişdir.
Rayonun təbiəti çox zəngindir. Meşələri palıd, şabalıdyarpaq, vələs, fıstıq, qızılağac, ağcaqayın, qovaq,