,
quşarmudu, dəndə, cökə və s. ağaclardan ibarətdir. Burada dağkəli, dağkeçisi, köpgər, maral, cüyür, ayı, qaban,
vaşaq, tülkü, canavar, dələ, yenot, meşə pişiyi, qırqovul, kəklik, qartal, şahin, tetra, ulaq və s. heyvan və quşlar
geniş yayılmışdır.
Rayonun bir sıra yaşayış məntəqələri, xüsusilə Lahıc və Basqal qəsəbələri, İvanovka, Qalacıq, Talıstan,
Diyallı kəndləri özünün qədim tarixi və əsrarəngiz gözəlliyi ilə fərqlənir. Lahıc və Basqal tarix və mədəniyyət
qoruqları elan edilmişdir.
Rayon ərazisində bir çox qədim tarixə malik abidələr var.
Hazırda rayonda turizmin inkişaf etdirilməsi məqsədilə geniş tədbirlər həyata keçirilir.
İsmayıllı şəhəri 1959-cu ilə qədər kənd, 1967-ci ilə qədər şəhər tipli qəsəbə olmuş, sonra şəhər adını
almışdır.
İsmayıllı respublikanın kənd təsərrüfatında özünəməxsus yeri olan bir rayondur. 1970-ci illərə qədər bütün
sahələrdə geridə qalan rayon həmin dövrdən sonra Azərbaycan xalqının ümummilli lideri Heydər Əliyevin
diqqət və qayğısı sayəsində coşqun inkişaf yolu keçmişdir. Müdrik rəhbərin 3 dəfə rayona gəlməsi (1981-ci ilin
iyul ayında, həmin ilin noyabrın sonunda və dekabrın əvvəlində baş vermiş zəlzələdən sonra və 2002-ci ildə)
İsmayılının tarixinə qızıl hərflərlə yazılmışdır. Heydər Əliyevin sadə zəhmət adamları ilə görüşləri, keçirdiyi
müşavirə və yığıncaqlar, verdiyi tövsiyə və tapşırıqlar rayonun simasının dəyişməsində əsaslı rol oynamışdır.
İsmayıllıda zəlzələnin nəticələrini aradan qaldırmaq məqsədilə onun təşəbbüsü ilə Sov. İKP MK-nın və SSRİ
Nazirlər Sovetinin qərarı qəbul edilmiş və qərarlar qəbul olunmuş, 2 nəfərə Sosialist Əməyi Qəhrəmanı adı
verilmişdir. Heydər Əliyev rayonda inşa olunmuş bir sıra obyektlərə baş çəkmiş, İsmayıllı şəhərində «Zəka»
kitab evinin açılışında qırmızı lenti kəsmişdir.
Heydər Əliyevin ikinci dəfə respublika rəhbərliyinə qayıdışı bütün ölkədə olduğu kimi, İsmayıllının
iqtisadiyyatında baş vermiş tənəzzülün qarşısını almış və rayon yeni inkişaf