İsmayıllı rayonu
Yaranma tarixi - 21.11.1939
Ərazisi - 2,07 min kv. km
Əhalinin sayı - 87,4 min nəfər (1 yanvar, 2020-ci il)
Əhalinin sıxlığı – 1 kv. km 42 nəfər (1 yanvar 2020-ci il)
Şəhər - 1
Kəndlərin sayı - 105
Qəsəbələrin sayı – 2
İsmayıllı rayonu ilə Bakı arasında olan məsafə - 185 km

Ümumi məlumat

İsmayıllı rayonu 1931-ci ilin noyabr ayının 21-də mərkəzi İsmayıllı kəndi olmaqla yaradılmışdır. Rayon
təşkil edilənədək onun ərazisinin böyük bir hissəsi Göyçay qəzasının, bir hissəsi Şamaxı qəzasının, kiçik bir
hissəsi isə Şəki qəzasının tərkibində olub.
Rayonun ərazisi Azərbaycanın bütün şimal torpaqları kimi, hələ miladdan əvvələ IV yüzillikdən mövcud
olan Alban dövlətinə mənsub idi. Sasanilər nəslindən olan Mehran Girdimanda, hətta öz knyazlığını yaratmışdı.
Alban hökmdarları Varaz Qriqor və onun oğlu Cavanşir (616-681) də mehranilər nəslindən idi. 638-670-ci
illərdə Girdiman dövlətinə Albaniyanın ən görkəmli hökmdarı Cavanşir başçılıq etmişdir. Onun Talıstan
kəndindən 4 km şimalda Ağçayın üstündə tikilmiş iqamətgahının qalıqları indi də «Cavanşir» qalası kimi xalq
arasında məşhurdur.
Mərkəzi İsmayıllı şəhəridir. Rayon şimaldan Quba, şərqdən Şamaxı, cənub-şərqdən Ağsu, cənubdan
Kürdəmir, cənub-qərbdən Göyçay və qərbdən Qəbələ rayonları ilə həmsərhəddir.
Rayona İsmayıllı şəhəri, Basqal, Lahıc qəsəbələri və Sumağallı, Ərəkit, Namazgah, Kənyə, Bağəli, Ənən,
Ximran, Qoydan, Duvaryan, Hacıhətəmli, Mollaisaqlı, Kürd Eldarbəyli, Güdəyli, Həftəsov, Çəndahar, Zarat,
Burovdal, Diyallı, Güyüm, Sədiyan, Zərnava, Aşağı Zərnava, Sərdəhar, Müşkəmir, İvanovka, Külüllü, Qalagah,
Soltankənd, Uştal, Uştalqışlaq, Qalacıq, İstisu, Çayqovuşan, Qalıncaq, Mücühəftəran, Xanəgah, Göytəpə,
Keyvəndi, Mingə, Şəbiyan, Pirəbülqasım, Bəhliyan, Bilistan, Kəlbənd, Kirk, Yenikənd, Şükürçü, Qoşakənd,
Ağbulaq, Tubikənd, Kənzə, Qubaxəlilli, Çərmədil, Quşəncə, Zoğallıq, Balik, Enişdibi, Kürdənaşı,
Aşıqbayramlı, Talış, Qarakolluq, Hapıtlı, Mican,