Kürdəmir rayonu
Yaranma tarixi - 08.08.1930
Ərazisi - 1,63 min kv. km
Əhalinin sayı – 117,9 min nəfər (1 yanvar, 2020-ci il)
Əhalinin sıxlığı – 1 kv. km 72 nəfər (1 yanvar 2020-ci il)
Şəhər - 1
Kəndlərin sayı - 59
Qəsəbələrin sayı – 2
Kürdəmir rayonu ilə Bakı arasında olan məsafə - 189 km.

Ümumi məlumat

Şirvan düzündədir. Mərkəzi Kürdəmir şəhəridir.
Kürdəmir sözünün etimologiyası haqqında bir neçə versiya var.
Kürdəmir – «Kür» və «Dəmir» sözlərindən olduğu ehtimal olunur (Şirvan dialektində «Kür» sözü çılğın,
cəsur, igid, qoçaq anlamında, «Dəmir» isə həmin ərazidə məskunlaşmış yeddi yaşayış məskəninin, obanın
igidlərinin xası, başçısı, sərkərdəsi olan igid Dəmir, qoçaq Dəmir, cəsur Dəmir mənasında işlənmişdir).
Kürdəmir - «kür dəymir» sözlərindən götürüldüyü ehtimal olunur. Yəni Kür çayı daşarkən daşqından
əziyyət çəkməyən (suyun çatmadığı yerlər) sahə Kürdəmir kimi adlanmış, zaman keçdikcə «Y» sammiti
assimilyasiya (aşınma) olmuş və «Kürdəmir» şəklində işlənmişdir.
Rayona Kürdəmir şəhəri, Qarabucaq, Karrar qəsəbələri və Xırdapay, Qağacılı, Çöhranlı, Yeni Şıxımlı,
Atakişili, Şıxımlı, Topalhəsənli, Qaraqocalı, Şahsevən, Yenikənd, Dəyirmanlı, Mürtülü, Təklə, Qurd Bayram,
Qarabucaq, Qocalı, Pirəköçə, Xəlsə, Bəyi, Karrar, Muğanlı, Karıs Əyribənd, Xınıslı, Ərşəli, Cəyli, Şahbəyli,
Ucalı, Bala Kəngərli, Carlı, Quşlar, Mollakənd, Ərəbxana, Çərtəyəz, Türkədi, Ərəbqubalı, Çölqubalı,
Məhərrəmli, Muradxan, Sor-sor, Çölərəb, Axtaçı, Dayıkazımlı, Qoçulu, Mehdili, Qarabucaq, Öyləqulu,
Köhünlü, Şüşün, Qaramahmudlu, Söyüdlər, Sovla, Böyük Kəngərli, Bağban, İsmayıllı, Pirili, Şilyan, Sığırlı,
Qarasaqqal kəndləri daxildir.
Relyefi düzənlikdir. Ərazisinin çox hissəsi dəniz səviyyəsindən aşağıdadır. Antropogen çöküntülər
yayılmışdır. İqlimi yayı quraq keçən mülayim isti yarımsəhra və quru çöl tiplidir. Orta temperatur yanvarda
1,4°C, iyulda 27,3°C-dir. İllik yağıntı 375 mm-dir. Çay şəbəkəsi seyrəkdir (Girdiman və Ağsu çaylarının aşağı