çəmən-meşə, şabalıdı və açıq şabalıdı, karbonatlı qara
torpaqlar yayılmışdır.
Rayonun dağlıq hissəsində alp və subalp çəmənləri və meşələr (palıd, fıstıq, vələs və s.) geniş sahə tutur.
Heyvanları: nəcib maral, canavar, dağkeçisi, köpgər, ayı, vaşaq, meşə pişiyi, çöldonuzu, süleysin və s. Quşları:
ular, tetra quşu, qırqovul, turac, kəklik və s. İlisu Dövlət Təbiət Qoruğu və Qax yasaqlığı rayonun ərazisindədir.
Qax, əsasən, tütünçülük, heyvandarlıq, meyvəçilik, taxılçılıq və baramaçılıq rayonudur. Rayonda kənd
təsərrüfatı məhsullarının emalı ilə məşğul olan sənaye müəssisələri - "Qax-Taxıl", "Qax-Konserv", "Qax-
Tütün", "Qax-İstehsalat" ATSC-ləri fəaliyyət göstərir. "İlham", "Günəş", "Kapital-N" firmaları, "Şahmar" LTD,
"Sadiq" MMC mineral və süfrə sularının qablaşdırılması ilə məşğul olur. Rayonda həmçinin, qum-çınqıl
kombinatı, meyvə şirəsi istehsalı və fındıq emalı zavodları var.
Qax rayonu Azərbaycanın ən qədim, zəngin tarixi keçmişə malik bölgələrindən biri olmaqla əhalisi
Azərbaycanda oturaq əkinçilik, maldarlıq və sənətkarlıqla məşğul olan ibtidai tayfaların sıx məskunlaşdığı əsas mədəniyyət mərkəzlərindən biri olmuşdur. Arxeoloji axtarışlar nəticəsində regionda eneolit, tunc, ilk dəmir
dövrünə aid çoxlu yaşayış yerləri və kurqanlar qeydə alınmışdır.
Tarixi mənbələrdən məlumdur ki, hələ e. ə. VII əsrin əvvəllərində Qaxın ərazisi Skif çarlığının tərkibinə
daxil olmuşdur. Skif çarlığının, onun əsasını qoyan tayfaların « skif, sak tayfalarının izlərinə yaşadığımız Qax
rayonunun ərazisində rast gəlinir.
Eramızın əvvəllərində Qafqaz Albaniyasının ərazisində xristianlığın yayılması prosesi başlamışdır. Bu
dövrdə Qax rayonunun əhatə etdiyi ərazilərdə bir sıra xristian məbədləri inşa edilmişdir. Ərəb işğalı ilə
tənəzzülə uğramış Alban dövlətinin, eləcə də Qax rayonunun indiki ərazisində XI əsrdən başlayaraq oğuz-səlcuq
türkləri, sonra isə qıpçaq türkləri məskunlaşmağa başlamışlar. Həmin dövrdə Qaxın ərazisi o zaman mövcud
olan